पश्चिम चितवनको एक मात्र गुरुकुल बिद्यालय श्री परमानन्द स्मृति वैदिक बिद्याभबन भरतपुर १८ ले सोमबार भरतपुरका नवनिर्वाचित जनप्रतिनिधिहरुलाइ बधाई तथा सम्मान गरेको छ । सम्मान कार्यक्रममा बोल्दै भरतपुर महानगर उप प्रमुख चित्रसेन अधिकारीले नेपाल सस्कृत शिक्षाको उदगम थलो भएको बताउनु भएको छ । गुरुकुल लाई शिक्षाको केन्द्र, सनातन परम्पराको भावभूमि, जीवनयापनको साधन र विद्याको केन्द्रका रूपमा स्वीकार गरिएको छ उप प्रमुख अधिकारीले भन्नू भयो,गुरुकुललाई जीवन्त बनाउन र त्यसमा रहेको जनशक्तिलाई नेपालको शिक्षानीतिसँग जोड्न अनिवार्य छ । उप प्रमुख अधिकारीले गुरुकुललाइ थप उचाइमा पुर्याउन स्थानीय बासिन्दाहरु नै अग्रसर हुनु पर्नेमा समेत जोड दिनु भयो । श्री परमानन्द स्मृति वैदिक बिद्याभबन पश्चिम चितवनको गहना हो उहाँले भन्नू भयो । महानगर गुरुकुलको साथमा छ, महानगरले जे सक्छ सहयोग गर्छ त्यसमा बिश्वास दिलाउन चाहन्छु । नेपालको शैक्षिक परम्पराको इतिहासमा पहिलो गुरुकुल मटिहानीस्थिति राजकीय संस्कृत माध्यमिक विद्यालय हो ।
२०५४ सालमा स्थापना भएको गुरुकुलमा हाल ४० जना बटुकहरुले सस्कृत विषयको अध्ययन गरिरहेका छन । गुरुकुलमा १० कक्षा सम्मको पढाइ हुँदै आइरहेको छ । भबिस्यमा शास्त्रीय आचर्य सम्मको अध्ययन गराउने योजना रहेको बिद्यालय ब्यबस्थापन समितिले जनाएको छ । कार्यक्रममा भरतपुर १८ का अध्यक्ष बाबुराम राना, भरतपुर २५ का वडा अध्यक्ष छबिलाल सापकोटा,भरतपुर १८ का वडा सदस्य लक्ष्मि शर्मा अधिकारी, बिमल कुमार राना,बिद्यालय ब्यबस्थापन समितिका सदस्य ओमप्रसाद लामिछाने लगाएतले मन्तव्य राख्नु भएको थियोे ।
