भरतपुर/ हाम्रो चित्रवन बचत तथा ऋण सहकारी संस्था लि। भरतपुर–११ ले आज बुधबारदेखि एटिएम भिजा कार्ड संचालनमा ल्याएको छ । भरतपुर–७ स्थित कृष्णपुरमा रहेको चित्रवन सेवाकेन्द्र कार्यक्रमका गरी संस्थाले एटिएम भिजा कार्ड संचालनमा ल्याएको हो । कार्यक्रममा बिशिष्ठ अतिथि चितवन जिल्ला बचत संघका अध्यक्ष हरिशचन्द्र सुवेदी, भरतपुर महानगरपालिका सहकारी तथा रोजगार प्रर्वद्धन शाखा अधिकृत रामबाबु पौडेल ,भरतपुर महानगरपालिका वडा नं–७ का अध्यक्ष तथा संस्थाका पुर्व अध्यक्ष राजेन्द्रमणि काफ्ले , पायोनियर एसोसियट्सका प्रबन्ध निर्देशक पायनियर खड्का , चितवन जिल्ला बचत तथा ऋण सहकारी संघ लिका सचिव एवं सस्थाका पुर्व अध्यक्ष रामराज पौडेल, सनराईज बैक नारायणगढ शाखा प्रमुख रोहित महासेठलगायतले संस्थाले सुरुवात गरेको कार्यलाई शुभकामना व्यक्त गरेका थिए ।

सहकारीको एटिएम भिजा कार्ड मार्फत् हाम्रो चितवन बचत तथा ऋण सहकारी संस्थाका शेयर सदस्यहरुले भारत र भुटानका जुनसुकै एटिएम मार्फत् रकम निकाल्न सक्ने संस्थाले जानकारी दिएको छ। भरतपुर–११ स्थित मुख्य कार्यालय रहेको संस्थाले चितवन जिल्लाका बिभिन्न आठ सेवाकेन्द्र मार्फत सदस्यलाई सेवा दिदै आएको छ ।

संस्थाका अध्यक्ष तेजेन्द्रबहादुर खड्काको सभापतित्वमा सम्पन्न उक्त कार्यक्रमको प्रमुख अतिथि बागमती प्रदेश सरकार श्रम रोजगार तथा यातायात मन्त्री घनश्याम दाहालले एटिएम भिजा कार्डको शुभारम्भ गरेकोमा धन्यवाद दिएका थिए ।
संस्थाका उपाध्यक्ष अनिलराज पौडेलले स्वागत मन्तव्य राखेको कार्यक्रम सचिव कृष्णप्रसाद पौडेलले संचालन गरेका थिए ।