भरतपुर/ महिला तथा बालबालिकाको क्षेत्रमा बिगत लामो समय देखि वकालत गर्दै आएको आदर्श नारी बिकास केन्द्र भरतपुरले मगलबार २९ औ बार्शिक साधारणसभा सम्पन्न गरेको छ । केन्द्रले महिला शशक्तिकरण,हिसामा परेका महिला तथा बालबालिकाको क्षेत्रमा लामो समय देखि काम गर्दै आइरहेको छ । कार्यक्रममा बोल्दै भरतपुर महानगर उप प्रमुख चित्रसेन अधिकारीले महिलाहरु रार्ष्ट्रिय गहनाको रुपमा रहेको बताउनु भयो ।उहाँले आजको २१ औ शताब्दीमा महिलाहरु सचेत हुन जरुरी रहेको समेत प्रष्ट पार्नु भयो ।
देशमा स्थायित्व र शान्ति ल्याउन महिलाहरुको उच्च भूमिका रहेको छ उप प्रमुख अधिकारीले भन्नू भयो । उप प्रमुख अधिकारीले सस्थाको भवन निर्माणका लागि महानगरले सहयोग गर्नेमा प्रतिबद्धता समेत जनाउनु भयो । केन्द्रले आदर्श बचत तथा ऋण सहकारी सस्था, आदर्श बालगृह, आदर्श नारी क्लिनिक लगायतका दर्जनौं सस्थाहरु सन्चालनमा ल्याएको छ । त्यस्तै सस्थाका आदर्श छात्रवृत्ति कार्यक्रम र आदर्श सासू आमा कार्यक्रमहरु पनि संचालित रहेका छन । कार्यक्रममा भरतपुर महानगर स्वास्थ्य तथा सामाजिक बिकास महाशाखाका प्रमुख शान्ता कुमारी पौडेलले महिलाहरुको हकहितको क्षेत्रमा काम गर्ने सस्थाहरुमा आदर्श नारी बिकास केन्द्र उदाहरणीय सस्था बनेको बताउनु भयो । कार्यक्रममा सस्थाका सल्लाहकार इ भोजराज कौडाल,सस्थाका उपाध्यक्ष उशा खरेल सुवेदी लगायतले मन्तब्य व्यक्त गर्नु भएको थियोे ।
