भरतपुर/विगत लामो समयदेखि देश, विदेशमा एयरलायन्ससँग सम्बन्धि विभिन्न क्षेत्रहरुमा कार्य गरी स्वदेशमै रोजगारी सिर्जना गर्ने उद्देश्य अनुरुप भरतपुरको हाकिमचोकमा रहेको एरोटेक इन्टरनेशनल स्कूलको शुभारम्भ गरिएको छ । विगत तीन चार महिना अघिदेखि कार्यालय स्थापना गरी परीक्षणका रुपमा रहेको एरोटेकले आजबाट आफ्नो सेवालाई पूर्ण रुपले सञ्चालन गरेको छ ।

एरोटेक इन्टरनेशनल स्कूलका प्रबन्ध निर्देशक सुमन भट्टको सभापतित्वमा सम्पन्न शुभारम्भ कार्यक्रममा भरतपुर महानगरपालिका वडा नं. १० का वडाअध्यक्ष परमेश्वर खनाल प्रमुख अतिथि रहनुभएको थियो ।
प्रमुख अतिथि खनालले भरतपुरमा यो बिल्कुल नयाँ व्यवसायको रुपमा सञ्चालन भएको हुँदा यसलाई टिकाईराख्न वडा नं. १० को तर्फबाट आवश्यक सहजीकरणका लागि पहल गर्ने समेत बताउनुभयो । आफूले पहिला उक्त स्कुलको सञ्चालन कार्यविधि राम्रोसँग अध्ययन गर्ने र यसको सञ्चालन प्रक्रियालाई आगाडि बढाउन आवश्यक सल्लाह, सुझावका साथै सहयोग गर्न समेत आफूहरु तत्पर रहेको बताउनुभयो ।

एरोटेक इन्टरनेशनल स्कूलका प्रबन्ध निर्देशक सुमन भट्टले स्वागतसँगै एरोटेक स्कूल स्थापना र हालसम्म यसले गरेका कामहरुको बारेमा प्रष्ट्याउनु भएको थियो । शुभारम्भ कार्यक्रममा स्कूलका विद्यार्थीहरुबाट क्याट वाक एवम् नृत्यहरु समेत प्रस्तुत गरिएको थियो ।

कार्यक्रममा बरिष्ठ अधिवक्ता भुपेन्द्र जङ पौडेल क्षेत्री, भरतपुर महानगरपालिका वडा नं. ४ का पूर्व वडाअध्यक्ष हरि प्रसाद आचार्य, वीरेन्द्र बहुमुखी क्याम्पसका पूर्व सहायक प्राध्यापक मोहन सिंह रावल, चितवन गार्डेन रिसोर्टका सञ्चालक समिति सदस्य इमानान पौडेल, प्रहरी उपरीक्षक प्रकाश मल्ल, शिक्षाविद् डा.टंक ओझा लगायतको उपस्थिति रहेको थियो । पत्रकार राजु भट्टले सञ्चालन गर्नुभएको शुभारम्भ कार्यक्रमलाई एरोटेक इन्टरनेशनलका सञ्चालक दिपेन जङ्ग जि.सि.ले धन्यवाद मन्तव्य सहित समापन गर्नुभएको थियो ।