चितवन/महिलाबालबालिका तथा जेष्ठ नागरीक मन्त्री उमा रेग्मीले लैगिंक हिंसालाई कमगर्दै महिलाहरुको सम्रगविकास गर्नका लागी मन्त्रालयले महिला पहिला भन्ने नारा सहित बिभिन्न कार्यक्रम संचालन गर्ने तयारी गरेको बताउनु भयो ।
मन्त्रालयले चितवनको भरतपुरमाआयोजना गरेको महिला उद्यमशीलता विकास प्रशिक्षण कार्यक्रमको समापन सत्रलाई संबोधन गर्दै मन्त्री रेग्मीले ९५ प्रतिशतभन्दा वढि हिंसा घर भित्रहुने गरेको भन्दै हिंसा विरुद्धको अभियानमा पुरुषहरुलाई पनि समावेश गराउन मन्त्रालयले अभियान सुरुवातगर्न लागेको बताउनु भयो ।
घरेलु हिसां बिरुद्धको अभियान साथै महिलाको नेतृत्व क्षमताको विकास गर्नु आवश्यक भएकोले महिलाहरुको उद्यमशीलता प्रवद्र्धनका लागी मन्त्रालयले बिभिन्न किसीमका सीप विकास तथा बजारीकरण सम्बन्धि तालिम संचालन गरेको उहाँले स्पष्ट पार्नुभयो ।
असार ३ गतेवाट १० दिन सम्म संचालन भएको तालिममा भरतपुर र रत्ननगरका गरी २० जना उद्यमी महिलाहरुको सहभागीता रहेको थियो । मन्त्रालयको महिला विकास अधिकृत रमा पौडेलको अध्यक्षतामा भएको समापन कार्यक्रम सम्पन्न गरिएको थियो । कार्यक्रममा सरोज अधिकारी, शान्ती दाहाल र रत्ना घिमीरेले प्रशिक्षण दिनु भएको थियो । कार्यक्रमको संयोजन तथा सहजीकरण भवानीअधिकारीले गर्नुभएको थियो ।
सहभागीहरुले तालिमले उद्यमी महिलाहरुलाई उद्यमशिलताको बहुआयामीक पक्षहरुको बिषयमा जानकारी गराएको भन्दै उत्पादनको बजारीकरणका लागी सहज बातावरण बनाउन सके महिलाहरु व्यवसाय मार्फत अगाडि बढ्न सक्ने बताएका थिए ।