भरतपुर/विश्व वातावरण दिवसको अवसरमा आज अङ्कुरम् एकेडेमी भरतपुरमा अध्ययरत विद्यार्थीहरुले वृक्षारोपण गरेका छन् । डिजिटल माध्यमबाट कक्षा सञ्चालन हुदैं आइरहेको अन्तराष्ट्रिय स्तरको विद्यालय अंकुरमले आज दिवसको अवसर पारेर विद्यार्थीहरुद्धारा बृक्षारोपण गरेको हो । विद्यालय परिसर देखि वडा नम्बर ७ को वडाकार्यालय सम्म करिब पाँच सय धुपी कपुर,अमला लगायतका विभिन्न जातका विरुवा रोपिएको हो । विद्यालय वरिपरिको वातावरण स्वच्छ र हरावरा बनाउन यस कार्य महत्वपूर्ण रहेको वडाध्यक्ष राजेन्द्र मणी काफ्लेले बताउनुभयो ।
एकेडेमीका कार्यकारी निर्देशक नवराज पौडेलले भावी सन्ततीलाई प्रकृति प्रेम सिकाउन र वातावरणको संरक्षण का लागि विद्यार्थीहरुलाई व्यवहारिक ज्ञान दिन विद्यालयले बृक्षारोपण गरिएको बताउनुभयो । “मुख्य कुरा भावी सन्ततीलाई प्रकृति प्रेम सिकाउनु नै हो पौडेलले भन्नुभयो, आगामी पुस्तालाई प्रकृति र वातावरणको माया सिकाऔं । काठ हैन रुखलाई माया गर्न सिकाउ । रुख रोप्ने अनि पानीको स्रोतलाई माया गर्न सिकाउ ।”
कार्यक्रममा विद्यालय वरपरका ५ वटा टोलसुधार समितीको पनि सहकार्य रहेको थियो । बृक्षारोपणका लागि आवश्यक विरुवा राष्ट्रपति चुरे तराई मधेश विकास समिती भरतपुरले उपलब्ध गराएको हो ।
जुन ५ तारिखमा विश्वव्यापी मनाइने यो दिवस, आज नेपालमा पनि विभिन्न कार्यक्रम गरि मनाईको हो । दिवसको यस बर्षको नारा “इलथि यलभ भबचतज” अर्थात् केवल एउटा पृथ्वी भन्ने रहेको छ । यस नाराले प्रकृतिसंग मेलमिलापमा दिगो रुपमा आवश्यकता र नीतिहरु व्यक्तिगत छनोटहरु दुवै मार्फत हरियाली जीवनशैलीमा सर्ने हाम्रो सम्भावनाहरुमा केन्द्रित हुन पैरवी गर्दछ । बिश्व पर्यावरण प्रति वौद्धिक स्तरमा राजनीतिक र सामाजिक जागृति ल्याउने उद्देश्यले संयुक्त राष्ट्रको आह्वानमा सन् १९७३ देखि विश्व वातावरण दिवस मनाउन सुरु गरिएको हो ।
अंकुरम एकेडेमीले स्थापना देखि नै विद्यार्थीहरुको बौद्धिक र शारिरिक क्षमता विकासका लागी कार्य गर्दै आएको छ ।