भरतपुर/नेपाली काग्रेसकी केन्द्रीय सदस्य शान्ती परियार र भरतपुर महानगरपालिका वडा नम्बर ३ बाट भर्खरै निर्वाचित दलित महिला सदस्य निशा परियार सामाजिक र राजनीतिमा सक्रिय छन् । उनीहरुलाई सामाजिक कार्यमा दिन रात उत्प्रेरणा दिने आमा भने सधै गुमनाम जस्तै हुनुहुन्थ्यो । आर्दश नारी विकास केन्द्रले संस्थाको स्थापना दिवस पारेर तिनै पर्दापछाडी बसेर छोरीहरुलाई हौसला साहस र उत्प्रेरणा दिनुहुने आमा दुर्गामाया परियारलाई आर्दश आमाबाट सम्मान गरेको छ । दुर्गामाया सधै छोरीको सफलतामा नै खुसी भई घरमै रहनुहुन्थ्यो । संस्थाले बोलाएर आफुलाई सम्मान गरेकोमा उहाँको खुसीको सीमै थिएन । दुर्गामाया भन्नुहुन्छ “म अशिक्षित र नबुझेको मान्छे, मेरो कामको पनि आदर्शले मुल्याकंन हुने रहेछ । आज म निकै खुसी छु ।” दुर्गामाया मात्र होइन भर्खरै गैडाकोट नगरपालिका २ बाट दलित महिला सदस्यमा निर्वाचित सकिला परियारकी आमा भइसरी परियारको पनि आज खुसीको सीमा थिएन । सधैभरी छोरी सकिलाको सफलतामा रमाउने आमा आज आफै सम्मानित हुनुभएको थियो । आमा भन्नुहुन्छ “मलाई यो सम्मानले मेरो जीवन सार्थक बनेको अनुभुति भयो ।” यति धेरै छोरीहरुलाई आर्शिवाद दिन पाउनु मेरो गर्वको कुरा हो ।
सामाजिक कार्यमा सक्रिय अभियन्ताका आमा तथा सासुहरुलाई आदर्श नारी विकास केन्द्रले आज आदर्श आमा तथा सासुआमाबाट सम्मान गरेको हो । आफ्ना छोरी तथा बुहारीलाई निस्फ्रिकी सामाजिक कार्यमा लाग्न प्रेरणा दिनुहुने आमाहरुलाई केन्द्रले आफ्नो ३१ औं स्थापना दिवस पारेर सम्मान गरेको हो । संस्थामा आवद्ध सदस्यका ७० बर्ष पुरा गर्नुभएका १० जना आमा तथा ३० जना सासुआमाुहरुलाई आर्दश आमाबाट सम्मान गरिएको हो । सो अवसरमा सामाजिक कार्यमा अनवरत खटिने ४ जना नारीलाई पनि सम्मान गरिएको छ । आदर्श सामाजिक अभियताबाट सस्थाका संस्थापक अध्यक्ष सीता सापकोटा, निर्वतमान अध्यक्ष सरिता केसी, सल्लाहकार सावित्री कडेल र नारी अभ्युदय केन्द्रका संस्थापक अध्यक्ष कस्तुरी श्रेष्ठ सम्मानित हुनुभएको छ ।

आदर्श सामाजिक अभियन्ताबाट सम्मानित सरिता केसीलाई आज डबल खुसी मिल्यो । उहाँकी आमा पार्वती क्षेत्री आफैले जन्माएको संस्थाबाट सम्मानित हुनुभएको थियो । सम्मानपछि भावविह्वल भएकी पार्वतीले सीतासापकोटा मीनाखरेल र सरिता केसीले सामाजिक व्यतिथिको विरुद्ध हिड्ने छोरीहरुले नै आफुलाई सम्मान गर्दा हर्षविभोर भएको प्रतिक्रिया दिनुभयो ।
सरिता, अनिता, निशा, शान्ती र सकिला जस्ता छोरी मात्र होइन बुहारीलाई पनि निस्फ्रिक्री सामाजिक कार्यमा लाग्न प्रेरणा दिनुहुने सासुआमा पनि आर्दश सासुआमा बाट सम्मानित हुनुुभएको छ । यीनै सासुआमा मध्येकी एक हुनुहुन्छ इन्दु पण्डितकी सासुआमा । पण्डितलाई अगाडी बढाउन उहाँकी सासु ९२ बर्षीय लक्ष्मी पण्डितको योगदान महत्वपुर्ण छ । तर उहाँकी सासुको नाम कहिल्यै कहि कतै आउंदैन । केन्द्रले आज इन्दुकी सासु लक्ष्मीलाई पनि आर्दश सासुआमाको रुपमा सम्मान गरेको छ । यस्तै भगवती गौतमको सासुआमा नन्दकली गौतमपनि आज आदर्श सासुआमाबाट सम्मानित हुनुभयो । यस्तै लक्ष्मी रिमालकी सासुआमा सिता पौडेल पनि आर्दश सासुआमाबाट सम्मानित हुनुभएको छ । यस्तै आदर्श लगायत विभिन्न संघसंस्थामा नेतृत्वमा रहेर सामाजिक कार्य गर्दै आउनुभएकी शोभा गौतमकी सासुआमा नेत्रकुमारी गौतम,विमला सापकोटाकी सासुआमा चन्द्रकला सापकोटा, सजना तिमल्सेनाकी सासुआमा लिलाबती तिमल्सेनालगायत ४० जना आमा तथा सासुआमाहरु सम्मानित हुनुभएको हो ।

संस्थाका अध्यक्ष मीना खरेलले आफुहरुलाई सामाजिक अभियानमा हिड्न उत्प्रेरणा आर्शिवाद र हौसला प्रदान गर्नुहुने आमाहरुलाई सम्मान गर्न पाउंदा आफुमा सन्तुष्टि मिलेको बताउनुहुन्छ ।
कार्यक्रममा पुर्व सहायक मन्त्री सावित्री बोगटी, भरतपुर महानगरपालिका स्वास्थ्य तथा सामाजिक विकास महाशाखा प्रमुख शान्ता कुमारी पौडेल, चितवनका प्रहरी प्रमुख नवराज अधिकारी, संस्थापक अध्यक्ष सीता सापकोटा,निर्वतमान अध्यक्ष सरिता केसी, सल्लाहकार सावित्री कडेल, नारी अभ्युदय केन्द्रकी संस्थापक अध्यक्ष कस्तुरी श्रेष्ठ लगायतले आमाहरुले पर्दा पछाडी बसेर समाजमा पुर्याउनुभएको योगदानको प्रसंसा गर्नुभएको थियो ।
यसैबीच आज सोमबारे औशी परेको छ । यसै दिनको अवसरमा सम्पुर्ण पितृहरुको उद्धारका लागि भन्दै समाजसेवी टकनाथ पौडेलले सबै आमाहरुलाई खाजावापतको रकम सहयोग गर्नुभयो । यस्तै संस्थाका अध्यक्ष मीना खरेल, उपाध्यक्ष उषा खरेल सुवेदी, कार्यसमिती सदस्य अनिता केसी, शोभा गौतम, लक्ष्मी गुरुगं र कार्यक्रमको खर्च सहयोग गर्नुभएको छ ।