काठमाडौँ/नेपाली काँग्रेसले काठमाडौँ महानगरपालिका वडा नं ४ मा विशाल चुनावी सभाको आयोजना गरेको छ । काँग्रेस कामपा–२६ ले बैशाख ३० गते हुन लागेको स्थानीय तहको निर्वाचनलाई लक्षित गरी विशाल मिलन केन्द्रको भवनमा चुनावी सभा आयोजना गरेको हो । चुनावी सभालाई सम्बोधन गर्दै काँग्रेस प्रवक्ता डा प्रकाशशरण महतले नेकपा (एमाले)का अध्यक्ष केपी ओलीकै अहंकारको परिणाम स्वरुप एक विशिष्ट परिवेशमा गठन भएको पाँच दलीय गठबन्धको जन्म भएको बताउनुभयो । उहाँले अहिले नेपाली काँग्रेसको नेतृत्वको सरकारले विदेशवाट अति आवश्यक रुपमा मात्रै वेदैशिक ऋण लिएको स्मरण गर्दै काँग्रेसका उम्मेदवारलाई विजय गर्न सबैलाई आग्रह गर्नुभयो । नेपाल सरकारका पूर्वसचिव श्याम मैनालीले महानगर र वडाको विकासमा स्थानीय निकायको ठुलो भूमिका रहेको बताउनु भयो । उहाँले अव निर्वाचित हुने वडाका जन प्रतिनिधिहरुलाई शुभकामना दिंदै वडालाई सुशासनयुक्त भष्ट्रचारमुक्त वडा बनाउनका लागि सुझाव दिनुभयो । काँग्रेस कामपा–४ का वडाअध्यक्षका उम्मेदवार रामप्रसाद न्यौपानेले आफु निवार्चित भए वडालाई भष्ट्रचारमुक्त बनाउने र जनताको सल्लाह र सुझाव अनुसार मात्रै आफुले वडाको कार्य सम्पादन गर्ने बताउनु भयो ।

कार्यक्रममा पूर्व इन्जिनीयर हिरण्यमान प्रधान, क्षेत्रीय सभापति श्याम बहादुर खड्का काँग्रेस सोही वडाका नेता अचुत सापकोटा,अनिसराम भट्टलाई संविधानको रक्षाका लागि काँग्रेसलाई विजय गराउनुपर्ने उल्लेख गर्नुभयो । सोही वडामा काँग्रेसले रामप्रसाद न्यौपानलाई वडाअध्यक्ष, सुवर्ण सिलवाल र सन्जय श्रेष्ठलाई सदस्य, सावित्री थापा खनाललाई महिला सदस्य र सिता दमाईलाई दलित महिला सदस्यको रुपमा अगाडि सारेको छ । बौद्धिक तथा पेशागत समुहले आयोजना गरेको कार्यक्रमको सभापतित्व नेपाल प्रज्ञा प्रतिष्ठानको पुर्व कुलपति बैरागी काँइलाले गर्नुभएको थियो । काँग्रेस कामपा–४ ले आगामी बैशाख २७ गते मंगलबार विहान ७.३० बजे धुम्बहराही मन्दिर परिसरबाट चुनाव लक्षित विशेष ¥यालीको आयोजना गरेको छ । उक्त ¥यालीमा उपस्थित हुन सबैलाई काँग्रेसले आग्रह समेत गरेको छ ।