भरतपुर/चितवन उद्योग संघद्वारा उद्योग वाणिज्य संघ–चितवनका नवनिर्वाचित पदाधिकारी एवं कार्यसमिति सदस्यहरुलाई बधाई एवं शुभकामना व्यक्त गरिएको छ ।
चितवन उद्योग संघका अध्यक्ष राजु पौडेलको अध्यक्षतामा सम्पन्न कार्यक्रममा उद्योग वाणिज्य संघ–चितवनका नवनिर्वाचित अध्यक्ष राजु श्रेष्ठ लगायत पदाधिकारी एवं कार्यसमितिहरुलाई बधाई एवं सम्मान गरिएको हो ।
बधाई एवं सम्मान कार्यक्रममा चितवन उद्योग संघका गभर्निङ काउन्सिलका अध्यक्ष हरिप्रसाद सुवेदी, उद्योग वाणिज्य संघ–चितवनका निबर्तमान अध्यक्ष सहनलाल प्रधान, चितवन उद्योग संघका निवर्तमान अध्यक्ष भेषराज दुवाडी, उद्योग वाणिज्य संघका पूर्व अध्यक्ष कल्याण जोशी लगायतले शुभकामना मन्तव्य राख्नुभएको थियो ।
चितवन उद्योग संघका अध्यक्ष राजु पौडेलद्वारा स्वागत मन्तव्य राखिएको कार्यक्रममा उद्योग वाणिज्य संघ–चितवनका अध्यक्ष राजु श्रेष्ठलाई चितवन उद्योग संघका अध्यक्ष राजु पौडेलबाट र उद्योग वाणिज्य संघ–चितवनका पदाधिकारी एवं सदस्यहरुलाई चितवन उद्योग संघका उपाध्यक्षहरुबाट ढाका टोपी र दोसल्ला ओढाएर सम्मान गरिएको थियो ।
बधाई एवं सम्मान कार्यक्रममा चितवन उद्योग संघका संस्थापक अध्यक्ष दिल बहादुर ताम्राकार, संघका पूर्व अध्यक्षहरु गुणाकर खरेल, ताराप्रसाद पौडेल, सोमराज मरहट्टा, संघका उपाध्यक्षहरु त्रिलोचन कँडेल, सूर्यप्रसाद न्यौपाने, मदन घिमिरे, दुर्गाप्रसाद भण्डारी, गजेन्द्र अधिकारी, युग राज वस्ती, कार्यसमिति सदस्यहरु प्रतिभा श्रेष्ठ, मदन चिरञ्जीवी पोखरेल, बिष्णु प्रसाद पौडेल, ताराबहादुर कार्की, जितबहादुर हमाल, गोपाल प्रसाद गैरे, डा.प्रमोद लामिछाने, हरिप्रसाद भट्ट, दिनुपकुमार बराल, टिकादत्त अधिकारी, दण्डपाणी भट्ट, महेन्द्र बहादुर बानियाँ, सुधा सुवेदी पौडेल, अमर घिमिरे, चितवन उद्योग संघ महिला उद्यमी मञ्चका उपाध्यक्ष पार्वती कुँबर सुवेदी, सदस्य दक्षिणा गैरे न्यौपाने, चितवन उद्योग संघ युवा उद्यमी मञ्चका उपाध्यक्ष सुरेन्द्र कार्की, सदस्य मुक्तिनाथ पोखरेललगायतको उपस्थिति रहेको थियो ।
चितवन उद्योग संघका कार्यकारी निर्देशक गणेश प्रसाद सिलवालले सञ्चालन गर्नुभएको कार्यक्रमलाई संघका उपाध्यक्ष त्रिलोचन कँडेलले धन्यवाद मन्तव्य सहित समापन गर्नुभएको थियो ।
