भरतपुर/ चितवन उद्योग वाणिज्य तथा उपभोक्ता हित संरक्षण निर्देशनालय मकवानपुरको स्वीकृत वार्षिक कार्यक्रम अनुसार प्रदेश न. ३ का लघु,घरेलु तथा साना उद्योगको उपजको बिक्रीका लागि भरतपुर १० प्रदर्शनीमार्ग, चितवन स्थित चितवन उद्योग संघको परिसर भित्र निर्माण गरिने गरि विशेष कार्यक्रमका बीच सम्झौता सम्पन्न भएको छ।

घरेलु तथा साना उद्योग कार्यालय चितवनमा सम्पन्न उक्त सम्झौतामा उद्योग, वाणिज्य तथा उपभोक्ता हित संरक्षण निर्देशनालय प्रदेश न. ३ का निर्देशक श्री नेत्र प्रसाद भट्टराई र चितवन उद्योग संघका अध्यक्ष श्री राजु पौडेलले हस्ताक्षर गर्नु भएको थियो। घरेलु तथा साना उद्योग कार्यालय चितवनका प्रमुख उद्योग अधिकृत रमेश कर्माचार्य , उद्योग वाणिज्य तथा उपभोक्ता हित संरक्षण निर्देशनालय मकवानपुरका अधिकृत (सातौ ) राम प्रसाद कुश्मा , चितवन उद्योग संघका उपाध्यक्षहरु त्रिलोचन कडेल, मदन घिमिरे, दुर्गा प्रसाद भण्डारी, गजेन्द्र अधिकारी, परियोजना व्यवस्थापक रोचक अधिकारी, प्रशाशकीय अधिकृत गोविन्दप्रसाद पौडेल लगायतको उपस्थित रहेको थियो। साथै बैठकले निर्देशक भट्टराईको संयोजकत्वमा ५ सदस्यीय अनुगमन तथा निरीक्षण समिती समेत गठन गरिएको छ।