रत्ननगर/समग्र चितवनको गौरव र गरिमामय प्रस्तुतिको रुपमा रत्ननगर उद्योग वाणिज्य संघको आयोजनामा रत्ननगरस्थित टिकौली चौरमा पौष २५ गतेदेखि शुरु भएको रत्ननगर महोत्सवको चितवन उद्योग संघको टोलीद्वारा अवलोकन गरिएको छ । अवलोकनमा गएको टोलीलाई रत्ननगर उद्योग वाणिज्य संघका अध्यक्ष राजाराम रेग्मीले स्वागत एवं सम्मान गर्नुभएको थियो ।

चितवन उद्योग संघका अध्यक्ष राजु पौडेलको नेतृत्वमा गएको टोलीले महोत्सव परिसरमा राखिएका स्वदेशी उद्योगहरुबाट उत्पादित स्टलहरुको अवलोकन समेत गरिएको थियो । अवलोकनका क्रममा संघका अध्यक्ष राजु पौडेल, उद्योग वाणिज्य संघ–चितवनका पूर्वअध्यक्ष मित्रराज दवाडी, चितवन उद्योग संघका उपाध्यक्षहरु सूर्यप्रसाद न्यौपाने, दुर्गाप्रसाद भण्डारी, गजेन्द्र अधिकारी, कार्यकारी निर्देशक गणेशप्रसाद सिलवाल, कार्यसमिति सदस्यहरु प्रतिभा श्रेष्ठ, मदन चिरञ्जीवी पोखरेल, जितबहादुर हमाल, गोपाल प्रसाद गैरे, महेन्द्र बहादुर बानियाँ, पुरुषोत्तम रिजाल, प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्टलगायतको उपस्थिति रहेको थियो । पौष २५ गतेदेखि सञ्चालन भएको महोत्सव माघ ७ गतेसम्म चल्नेछ ।