काठमाडौं /स्थानीय तह निर्वाचनमा भरतपुर महानगरपालिकामा सत्ता गठबन्धनबाट बागी उम्मेदवारी परेपछि नेपाली कांग्रेस सभापति शेरबहादुर देउवाले गृहमन्त्री बालकृष्ण खाँणलाई खटाएका छन् । कांग्रेस सभापति एवम् प्रधानमन्त्री शेरबहादुर देउवाले भरतपुर महानगरमा कांग्रेस नेता कार्यकर्ताले देखाएको असन्तुष्टि सम्बोधन गर्न गृहमन्त्री खाँण लाई भरतपुर पठाएका हुन।
तरुण दल नेपालले आयोजना गरेको कार्यक्रममा खाँणले प्रधानमन्त्री देउवाले आफूलाई चितवनमा गएर मिलाउन आग्रह गरेको बताएका थिए। चितवनमा सत्ता गठबन्धनको तर्फबाट माओवादी केन्द्रलाई मेयरको उम्मेदवारी परेको छ। महानगरमा माओवादी केन्द्रकी रेणु दाहालले मेयरको टिकट पाएकी छिन्।
गठबन्धनबाटै कांग्रेस नेता जगन्नाथ पौडेलले मेयरमा उम्मेदवार दिएका छन् । आजै बजेको सत्ता गठबन्धनको बैठकले गठबन्धनको निर्णयविपरित उम्मेदवारी गठबन्धन भित्रका दलको तर्फबाट दर्ता भएका उम्मेदवारी सम्बन्धित दलले फिर्ता गर्ने निर्णय गरेको हो । सोही निर्णयअनुसार गृहमन्त्री भरतपुर आएका हुन।
