भरतपुर/उद्योग वाणिज्य तथा आपूर्ति मन्त्रालय उद्योगमन्त्री लेखराज भट्टसँग चितवन उद्योग संघको टोलीद्वारा भेटघाट एवं प्रदर्शनी केन्द्रको निर्माण प्रस्ताव पेश गरिएको छ ।
चितवन उद्योग संघका अध्यक्ष राजु पौडेलले उक्त प्रस्ताव पत्र उद्योगमन्त्री लेखराज भट्टलाई पेश गर्नुभएको थियो । प्रस्ताव पेश कार्यक्रममा प्रदेश सभा सदस्य कृष्ण खनाल, भरतपुर महानगरपालिकाकी प्रमुख रेनु दाहाल, प्रमुख जिल्ला अधिकारी नारायणप्रसाद भट्टराई, उद्योग वाणिज्य संघ–चितवनका अध्यक्ष सहनलाल प्रधान लगायतको उपस्थिति रहेको थियो ।

उद्योग वाणिज्य संघ–चितवनको ५३ औं बार्षिक साधारणसभा तथा अधिवेशनको उद्घाटन समारोहका लागि चितवन आईपुग्नु भएका मन्त्री भट्टसँग टोलीले चितवन उद्योग संघले औद्योगिक उत्पादनको प्रवद्र्र्धनका लागि औद्योगिक प्रदर्शनी गराउने उद्देश्यका साथ वि.सं. २०७४ सालमा नेपाल सरकारको विशेष पूँजीगत अनुदान, चितवनका उद्योगीहरु र नेपाल उद्योग परिसंघको समेत लागत साझेदारीमा ३८ करोडको लागत अनुमानको साथ निर्माण शुरु गरिएको राष्ट्रकै गौरवको रुपमा रहने अन्तर्राष्ट्रिस्तरको चितवन प्रदर्शनी केन्द्र निर्माणको क्रममा हालसम्म जुटाइएको रकमले निर्माण सम्पन्न गर्न अपुग भएको र निर्माण स्थगित भएको अवगत गराउँदै गुरुयोजना अनुरुप उक्त निर्माण सम्पन्न गर्नका लागि आवश्यक थप रकम नेपाल सरकारको तर्फबाट उपलब्ध गराई औद्योगिक प्रवद्र्धन गर्ने महान अभियानमा सहयोग गरिदिन समेत आग्रह गरिएको थियो ।

भेटघाट कार्यक्रममा संघका उपाध्यक्ष युग राज वस्ती, कार्यकारी निर्देशक गणेशप्रसाद सिलवाल, कार्यसमिति सदस्य गोपाल प्रसाद गैरे, प्रशासकीय अधिकृत गोविन्द प्रसाद पौडेल, परियोजना व्यवस्थापन ई.रोचक अधिकारी, सञ्चार अधिकृत राजु भट्ट, इभेष्ट सुपरभाइजर दिपक दुवाडीलगायतको उपस्थिति रहेको थियो ।