नारायणगढ/उद्योग वाणिज्य संघ–चितवनको आयोजनामा चितवन उद्योग संघका नवनिर्वाचित कार्यसमितिलाई स्वागत तथा सम्मान गरिएको छ ।
चितवन उद्योग संघको पौष १८ र १९ गते सम्पन्न गरिमामय २८ औं वार्षिक साधारण सभा एवं १५ औं अधिवेशनबाट नवनिर्वाचित अध्यक्ष राजु पौडेल लगायत सम्पूर्ण कार्यसमितिलाई स्वागत एवं सम्मान गरिएको थियो ।

उद्योग वाणिज्य संघ–चितवनका अध्यक्ष सहनलाल प्रधानको सभापतित्वमा सम्पन्न कार्यक्रममा चितवन उद्योग संघका नवनिर्वाचित अध्यक्ष राजु पौडेल प्रमुख अतिथि रहनुभएको थियो । स्वागत एवं सम्मान कार्यक्रममा अध्यक्ष राजु पौडेल, उपाध्यक्षहरु त्रिलोचन कँडेल, सूर्यप्रसाद न्यौपाने, मदन घिमिरे, दुर्गाप्रसाद भण्डारी, गजेन्द्र अधिकारी, युग राज वस्ती, कार्यकारी निर्देशक गणेश प्रसाद सिलवाल, सदस्यहरु मदन चिरञ्जीवी पोखरेल, बिष्णु पौडेल, जितबहादुर हमाल, गोपाल प्रसाद गैरे, डा.प्रमोद लामिछाने, टिकादत्त अधिकारी, दण्डपाणी भट्ट, महेन्द्र बहादुर बानियाँ, पुरुषोत्तम रिजाल, रामचन्द्र अधिकारी अमर घिमिरे, सञ्चार अधिकृत राजु भट्ट लगायतको उपस्थिति रहेको थियो ।

कार्यक्रममा उद्योग वाणिज्य संघ–चितवन पूर्व अध्यक्षहरु महेन्द्रलाल प्रधान, मित्रराज दवाडी, निवर्तमान अध्यक्ष राजन गौतमलगागतले शुभकामना मन्तव्य राख्नुभएको थियो ।
उद्योग वाणिज्य संघ–चितवनका कार्यकारी निर्देशक गौरव खतिवडाले सञ्चालन गर्नुभएको उक्त कार्यक्रमलाई बरिष्ठ उपाध्यक्ष चुननारायण श्रेष्ठ, प्रथम उपाध्यक्ष सुमनकुमार श्रेष्ठले धन्यवाद मन्तव्य सहित समापन गर्नुभएको थियो ।