“कृषि यात्रीकरणमा वृद्धि, व्यावसायिक कृषि विकास र समृद्धि” भन्ने मूल नाराका साथ सलोन पाँचौं राष्ट्रिय कृषि यान्त्रीकरण प्रदर्शनी २०७८ को एक कार्यक्रमका बीच समुद्घाटन गरिएको छ ।

नेपाल कृषि मेशिनरी व्यवसायी संघका अध्यक्ष खोजराज कटुवालको अध्यक्षतामा सम्पन्न उद्घाटन कार्यक्रममा कृषि तथा पशुपन्छी विकास मन्त्रालयका सचिव डा.गोविन्द प्रसाद शर्मा प्रमुख अतिथि रहनुभएको थियो ।

सलोम पाँचौ राष्ट्रिय कृषि यान्त्रिकरण प्रदर्शनीका संयोजक उमेश नारायण मानन्धरले स्वागत मन्तव्य सहित कार्यक्रमको उद्देश्य माथि जानकारी गराउनु भएको कार्यक्रममा नेपालका लागि ईजरायलका राजदुत महामहिम हनानगोदार, कृषि विभागका महानिर्देशक डा.रेबती रमण पौडेल, प्रधानमन्त्री कृषि आधुनिकीकरण परियोजनाका परियोजना निर्देशक हस्त बहादुर विष्ट, कृषि पूर्वाधार विकास तथा कृषि यान्त्रिकरण प्रबद्र्धन केन्द्रका प्रमुख महेन्द्र नाथ पौडेल, कृषि विकास बैक तथा नेपाल बैकर्स संघका अध्यक्ष अनिल उपाध्याय लगायतले प्रदर्शनीको सफलताको शुभकामना व्यक्त गर्नुभएको थियो ।

कृषि कर्जा मेलाको शुभारम्भ ः

प्रदर्शनीको पहिलो दिन कृषि कर्जा मेला २०७८ को समेत शुभारम्भ गरिएको थियो । आर एण्ड डि इनोभेटिभ सोलुसन प्रा.लि.की अध्यक्ष सुनिता न्हेमाफूकीको सभापतित्वमा सम्पन्न कार्यक्रममा नेपाल राष्ट्र बैंकका गभर्नर महाप्रसाद अधिकारी प्रमुख अतिथि रहनुभएको थियो ।

कृषि कर्जा मेलाकी संयोजक सुष्मा शर्माले स्वागत मन्तव्य सहित कार्यक्रमको उद्देश्य माथि प्रकाश पार्नुभएको थियो । डेभलपमेन्ट एलायन्स नेपालका कृषि वित्त विज्ञ घुरन ठाकुरले कार्यपत्र प्रस्तुतिकरण गर्नु भएको कार्यक्रममा कृषि तथा पशुपन्छी विकास मन्त्रालयका सचिव गोविन्द प्रसाद शर्मा, आईएफएडिका परामर्शदाता विषयगत वक्ता श्याम बहादुर खड्का, नबिल बैंक लिमिटेडका सिईओ अनिल केशरी शाह, नेपाल बैंक लिमिटेडका प्रमुख कार्यकारी अधिकृत कृष्ण बहादुर अधिकारी, ग्लोबल आईएमई बैंक लिमिटेडका प्रमुख कार्यकारी अधिकृत रत्नराज बज्राचार्य, मुक्तिनाथ विकास बैंक लिमिटेडका अध्यक्ष भरतराज ढकाल, साना किसान विकास लघुवित्त वित्तीय संस्था लिमिटेडका अध्यक्ष खेम बहादुर पाठक, कृषि विकास बैंकका सिईओ एवम् नेपाल बैंकर्स संघका अध्यक्ष अनिलकुमार उपाध्याय लगायतले आ–आफ्नो धारणा राख्नुभएको थियो ।