भरतपुर/भरतपुर महानगरपालिका वडा नं ११ का वडाअध्यक्ष वावुराम अधिकारीले वडा अध्यक्षमा निर्वाचित भएपछि महानगरवाट प्राप्त सेवा सुविधा बापत प्राप्त रकम मध्ये रकम कटाैती गरेर वडा भित्र वन्न लागेका परियाेजनाहरुमा रकम प्रदान गर्ने जनाउनुभएकाे छ। वडा भित्र वन्दै गरेकाे परियाेजनाहरु गणेशधामका लागि वाेलिएकाे रु १,५०,१५१/- र नयाँकिरण मा•वि• भाेजाडमा काेठा निर्माणका लागि वाेलिएकाे रकम रु• २,११,१११/- मध्ये अांशिक रकम भुक्तान भईसकेकाेमा वाँकी रकम समय मिलाएर हस्तान्तरण गर्ने वताउनुभएकाे छ।

निर्वाचित भएर करिव १ वर्ष करकट्टि गरि रु २२,०००/- का दरले तलव वुझेतापनि करिव ४ वर्षदेखिनै वडा जनप्रतिनिधिलाई तलव बापत भुक्तान हुने रकममा राेक लगाएपछि महानगरले अन्य सेवासुविधा बापत न्यून रुपमा रकमहरु प्रदान गर्दै अाईरहेकाे थियाे, ती सिमित रकमहरु संचित गरेर उक्त परियाेजनाहरुका लागि रकम हस्तान्तरण गर्न लागिएकाे अधिकारीले वताउनुभयाे । अधिकारीकाे यश कदमकाे स्थानीयवाट सर्वत्र स्वागत भएकाे छ भने देशमा भ्रष्टाचारमा डुवेर अकुत कमाउन लागीपर्ने नेता तथा जनप्रतिनिधिहरुलाई उनकाे यश भावनाले गिज्याईरहेकाे स्थानीयकाे विश्लेषण छ। महानगरकै सवैभन्दा वढी जनसंख्या रहेकाे उक्त वडामा गत स्थानीय तहमा नेकपा(एमाले) वाट महानगरमै सवैभन्दा वढी मत ल्याएर वडाअध्यक्षमा निर्वाचित भएका थिए ।