अध्यक्षका उम्मेदवार श्रेष्ठ ४ पटक उवासंघको पदाधिकारी बनिसक्नुभएको छ । २०६६ सालदेखि कार्यसमिति सदस्य हुदै तृतीय उपाध्यक्ष, प्रथम उपाध्यक्ष र २ पटक बरिष्ठ उपाध्यक्ष बनेर काम गरिसक्नुभएको छ । उहाँले राजश्व, कर, मौद्रिक नीति बनाउदा निजी क्षेत्रका तर्फबाट सुझावहरु राष्ट्र बैंक, योजना आयोगलाई पठाउन सक्रिय हुनुहुन्छ । चितवनलाई आर्थिक केन्द्र बनाउन पहल गर्ने प्रतिवद्धता जनाउनुभएको छ । उहाँले यसपालि पदाधिकारी पदहरुमा सर्वसम्मत नेतृत्व हुने दावी गर्नुभयो । उवासंघको ६ दशक बनाएको शाखलाई उचाइमा पुर्याउने बताउनुभयो । नेतृत्व बनाउन अनुभवी र सक्षम व्यक्तिहरु सबैलाई समेटेर साझा उम्मेदवारहरु चयन गरिने बताउनुभयो ।

उद्योग वाणिज्य संघको अधिवेशनले २५ सदस्यीय कार्यसमिति  निर्वाचनबाट निर्वाचित हुनेछन । ६ जना पदाधिकारी र २३ जना सदस्य चयन हुनेछन् । उद्योग, वाणिज्य तर्फ छ(छ जना, वस्तुगततर्फ ४ जना, महिला १ जना, एशोसियटतर्फ २ जना, क्षेत्रीय सदस्य १ जना निर्वाचित हुनेछन् । यस्तै  मनोनीत ३ जना सदस्य र ४ जना विशिष्ट सदस्य मनोनित हुनेछन् ।