भरतपुर/ चितवन २०७८/११/०५ निर्माण व्यवसायी संघ चितवनले चितवनका निर्माण व्यवसायीहरुकाे व्यवसाय व्यवस्थापन र कर व्यवस्थापनका लागि २ दिने कन्स्ट्रक्सन मेनेजमेन्ट तालिम सम्पन्न गरेकाे छ। २०७८ फाल्गुण ४ गते नेपाल निर्माण व्यवसायी महासंघका केन्द्रीय महासचिव राेशन दाहालले उद्घाटन गर्नुभएकाे तालिम कार्यक्रममा ठेक्का व्यवस्थापन, अायकर एवं मु•अ•कर व्यवस्थापन तथा निर्माण कार्यका विषयमा नियम तथा कानुनका विषयमा तालिम प्रदान गरिएकाे हाे। ५ गतेकाे कार्यक्रममा भाैतिक पुर्वाधार विकास मन्त्रालयका सह-सचिव केशव कुमार शर्माकाे प्रमुख अातिथ्यतामा, नेपाल निर्माण व्यवसायी महासंघका केन्द्रीय वरिष्ठ उपाध्यक्ष निकाेलस पाण्डेकाे विशिष्ठ अातिथ्यता, नेपाल निर्माण व्यवसायी महासंघका केन्द्रीय सदस्य हरिप्रसाद घिमिरे अतिथि रहनुभएकाे थियाे। कार्यक्रमकाेे अध्यक्षता निर्माण व्यवसायी संघ चितवनका अध्यक्ष उमानन्द कँडेलले गर्नुभएकाे थियाे। नेपाल निर्माण व्यवसायी महासंघकाे अायाेजनामा तथा निर्माण व्यवसायी संघ चितवनकाे व्यवस्थापनमा चितवनमा कार्यक्रम सम्पन्न भएकाे थियाे ।
