चितवन/ नेपाली कांँग्रेसका उर्जाशील चर्चित जनप्रतिनिधि तथा समाजसेवी युवा नेता अमृतराज हमालले नेपाली कांँग्रेसको १४ औं महाधिवेशन अन्तर्गत चितवन काङ्ग्रेसको सदस्य पदमा उम्मेद्वारी घोषणा गरेका छन् । भरतपुर महानगरपालिका वडा नम्बर १६ का निर्वाचित अध्यक्ष हमाल एक सफल जनभावना अनुरुप काम गर्ने वडा अध्यक्ष रुपमा परिचित छन् ।

को हुन् अमृतराज हमाल ?

तात्कालिन नेपाल कम्युनिष्ट पार्टी (नेकपा) एक हुंँदा माओवादी केन्द्रका अध्यक्ष प्रभाव क्षेत्र तथा नेकपा एमाले चितवनकी नेतृ पार्वती रावलको वडा पर्ने फराकिलो मतान्तरले वडा अध्यक्षमा निर्वाचित हमालले नेविसंघबाट आफ्नो राजनीति यात्रा शुरु गरेका हुन् । स्थानीय उपनिर्वाचनमा तत्कालिन अवस्थामा नेकपा बलियो भएको अवस्थामा आफ्नो पक्षमा भारी मत ल्याएर उनी एकाएक चर्चामा आएका थिए । कांँग्रेसजनले उनलाई एक उदाउंँदो युवा नेता रुपमा हेरेका पार्टीको निष्ठा, इमान्दार र सिद्धान्त प्रति खरो रुपमा प्रस्तुत हुने नेताका रुपमा समेत चर्चित छन् । जनताको आशा र भरोसाको रुपमा परिचित उनले कांँग्रेसमा गुटउपुगटको अन्त्य गर्दै सिंगो र संग्लो कांँग्रेस निर्माणमा लाग्ने प्रतिबद्धता व्यक्त गरेका छन् ।

Yo news halnu ta

चितवन- सेन्ट्रल कलेज चितवन जिल्ला ए डिभिजन लिगमा बगान यात्रा ग्रुपले बिजयी सुरुवात गरेको छ । आज (शुक्रबार) भएको पहिलो खेलमा यात्राले रामपुर फुटबल क्लब रड्सलाई १-० ले पाखा लगायो । यात्राको जितमा विवेक थापा मगरले गोल गरे । खेलमा रामपुरले गोल गर्ने प्रसस्तै अवसर पाए पनि सदुपयोग गर्न सकेन । यात्राका डिफेन्डर र गोलरक्षक रामपुरका लागि बाधक बने । यात्राले कमै अवसर पाए पनि प्राप्त अवसर सदुपयोग गर्‍यो । खेलको पहिलो हाफ गोलरहित बराबरीमा सकिएको थियो । दोस्रो हाफमा यात्राले गोल गर्न सफल भयो । खेलको ६६ औं मिनेटमा यात्राका विवेकले डि बक्स बाहिरबाट सुन्दर चिप गोल गरे । उक्त गोल नै खेलको निर्णायक गोल बन्यो । खेलको म्यान अफ दि म्याच यात्राका गोलरक्षक सौरभ कंडेल घोषित भए । उनले आधा दर्जन बढी उत्कृष्ट बचाउ गरेका थिए । जितसंगै यात्राले ३ अंक बटुल्यो । खेलपछि यात्राका प्रशिक्षक कृष्ण कार्कीले खेलाडीहरुको प्रदर्शनबाट सन्तुष्ट रहेको प्रतिक्रिया दिए । अर्को खेलमा गल्ती सुधार गर्दै राम्रो प्रदर्शन गर्ने समेत उनले बताए । आजको दोस्रो खेलमा पानस युवा क्लब र वातासिनो जि ब्वाइज भिड्नेछन् । चितवन जिल्ला फुटबल संघको आयोजनामा जारी लिग माघ ८ गतेसम्म चल्नेछ । लिगमा १३ टोली सहभागी छन् । लिग बिजेताले ट्रफीसहित एक लाख पाउनेछ भने उपबिजेताले ५० हजार प्राप्त गर्नेछ । तेस्रो र चौथो हुने टोलीले समान २५-२५ हजार प्राप्त गर्नेछ ।