भरतपुर/चितवन उद्योग संघ महिला उद्यमी मञ्चको बार्षिक कार्ययोजना अन्तर्गत पूर्वी नेपालका औद्योगिक स्थल एवम् पर्यटकीय स्थलहरुको अवलोकन सहित तिनदिने भ्रमणको समापन गरिएको छ ।
चितवन उद्योग संघ महिला उद्यमी मञ्चकी उपाध्यक्ष एवम् भ्रमण संयोजक सृजना सोतीको नेतृत्वमा गएको भ्रमण टोलीले पहिलो दिन पौष १५ गते विराटनगरस्थित उद्योग संगठन मोरङका पदाधिकारी एवम् कार्यसमिति, महिला उद्यमी समिति मोरङका पदाधिकारी एवम् सदस्यहरुसँग छुट्टाछुट्टै भेटघाट एवम् छलफल गरिएको थियो । सोही अवसरमा भ्रमण टोलीले उद्योग संगठन मोरङको प्राङ्गणमा सञ्चालित एकदिने स्टार्टअप उद्यमी हाटबजारको अवलोकन समेत गरेको थियो ।
त्यस्तै भ्रमणको दोश्रो दिन शुक्रबार इलामको कन्यामस्थित पर्यटकीय स्थलहरुको अवलोकन गरिएको थियो । भने भ्रमणको तेश्रो दिन जनकपुर क्षेत्रका साँस्कृतिक एवम् ऐतिहासिक मठमन्दिरहरुको अवलोकन गरिएको भ्रमण टोलीकी संयोजक सृजना सोतीले बताउनुभयो ।

भ्रमणमा चितवन उद्योग संघ महिला उद्यमी मञ्चकी निवर्तमान अध्यक्ष सुधा सुवेदी पौडेल, सचिव दक्षिणा गैह्रे न्यौपाने, कार्यसमिति सदस्यहरु राधा शर्मा, गीता ढकाल, सीता धिताल, महिला उद्यमीहरु राधिका कँडेल, बुद्धिमाया घले, उषा बस्नेत, नमिता प्रधान, रिता महत्तो, संघका प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट लगायतको सहभागिता रहको थियो ।