माडी/चितवन उद्योग संघ माडी इकाई समितीको कार्यालय उद्घाटन एवं औद्योगिक सुरक्षा स्टिकर टाँस तथा तथ्यांक अद्यावधिक अभियानको शुभारम्भ गरिएको छ ।
चितवन उद्योग संघ माडी इकाई समितिका सह–संयोजक अमृत खनालको सभापतित्वमा सम्पन्न कार्यक्रममा माडी नगरपालिकाका उपप्रमुख तारा काजी महत्तो प्रमुख अतिथि रहनुभएको थियो भने चितवन उद्योग संघका बरिष्ठ उपाध्यक्ष राजु पौडेल विशिष्ट अतिथि रहनुभएको थियो ।

कार्यक्रमका प्रमुख अतिथि उपप्रमुख महत्तोले चितवन उद्योग संघ माडी इकाई समितिले माडीका उद्योगहरुमा औद्योगिक स्टिकर टाँस कार्यक्रम राखेर औद्योगिक सुरक्षाको लागि महत्वपूर्ण भूमिका खेलेको बताउनुभयो ।
चितवन उद्योग संघका बरिष्ठ उपाध्यक्ष राजु पौडेलले संघले अघि सारेका परियोजनाका साथै कार्यक्रमको उद्देश्यमाथि प्रकाश पार्नुभएको थियो । त्यस्तै औद्योगिक सुरक्षा गुल्म नं. २३ का प्रमुख विनोद खतिवडाले औद्योगिक क्षेत्रको सुरक्षाको लागि आफ्नो गुल्म सधैं तयार रहेको बताउनुभयो । उहाँले उद्योगहरुमा आउने विपद् लगायतका जस्तोसुकै समस्याहरुको बारेमा आफूलाई खबर भए जतिसक्दो आफ्नो गुल्मको तर्फबाट सहयोग गर्न पहल गर्ने बताउनुभयो ।

कार्यक्रममा जिल्ला प्रशासन कार्यालय माडीका प्रमुख गणेशप्रसाद भट्टराई, औद्योगिक सुरक्षा गुल्म नं. २३ का प्रमुख विनोद खतिवडा, उद्योग वाणिज्य संघ माडीका अध्यक्ष रेशमराज आचार्य, माडी नगरपालिका वडा नं. ५ का वडाअध्यक्ष रामबन्धु पोखरेल, ईलाका प्रहरी कार्यालय माडीका प्रहरी निरीक्षक हर्कबहादुर विश्वकर्मा, चितवन उद्योग संघका उपाध्यक्ष मदन घिमिरे, कार्यसमिति सदस्यहरु मदन चिरञ्जीवी पोखरेल, दुर्गाप्रसाद भण्डारी, बिष्णु प्रसाद पौडेल, युग राज वस्ती, ईश्वरी प्रसाद रिजाल, माडी इकाई समितिका निर्देशकहरु, उद्योगी व्यवसायीहरुको उपस्थिति रहेको थियो ।

चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई चितवन उद्योग संघ माडी इकाई समितिका सह–संयोजक अमृत खनालले धन्यवाद मन्तव्य सहित समापन गर्नुभएको थियो ।