भरतपुर/उज्यालो टाईम्स मिडिया एण्ड एडभरटाइजिङ्ग प्रा.लि.को भरतपुरमा बसेको विशेष बैठकले भरतपुर–१०, चितवन निवासी कपिल सागर कर्माचार्यलाई निर्देशक पदमा चयन गरेको छ ।
उज्यालो टाईम्स मिडिया एण्ड एडभरटाइजिङ्ग प्रा.लि.का अध्यक्ष राजु भट्टको अध्यक्षतामा सम्पन्न बैठकले लामो समयदेखि अटोमोवाइल्स व्यवसायसँगै सामाजिक क्षेत्रमा समेत योगदान पु¥याउँदै आउनु भएका कर्माचार्यलाई प्रा.लि.को निर्देशक जस्तो गरिमामय पदमा चयन गरिएको हो ।

उज्यालो टाईम्स मिडिया एण्ड एडभरटाइजिङ्ग प्रा.लि.का प्रबन्ध निर्देशक राकेशमान श्रेष्ठले स्वागतसँगै उज्यालो टाईम्सका भावी कार्यक्रमहरुको बारेमा प्रकाश पार्नुभएको थियो । कार्यक्रममा प्रा.लि.का निर्देशक पुष्पराम श्रेष्ठले मिडियाले विगतका दिनहरुमा गर्दै आएका कार्यक्रमहरुले सामाजिक क्षेत्रमा योगदान पु¥याएको र अझै यसका गतिविधिहरुलाई परिस्कृत गर्दै अघि बढ्न समेत आग्रह गर्नुभयो ।

उज्यालो टाईम्स मिडियाले आफूलाई महत्वका साथ निर्देशक पदमा चयन गरेकोले प्रा.लि.परिवारलाई विशेष धन्यवाद व्यक्त गर्दै कर्माचार्यले आफूले पाएको जिम्मेवारीलाई महत्वका साथ पूरा गर्ने र मिडियाको आगामि कार्यक्रमहरुलाई प्रभावकारी बनाउन आफ्नो पहल रहने बताउनुभयो ।
प्रा.लि.का निर्देशक डोलबहादुर कार्की (अविनाश)ले सञ्चालन गर्नुभएको छलफल कार्यक्रमलाई प्रा.लि.का निर्देशक हरि बहादुर भुजेलले धन्यवाद मन्तव्य सहित समापन गर्नुभएको थियो ।