नारायणगढ/राष्ट्रिय बचत तथा ऋण सहकारी संस्था लिमिटेडको २२ औं वार्षिक साधारणसभा तथा सातौ अधिवेशन सम्पन्न भयो । राष्ट्रिय बचत तथा ऋण सहकारी संस्था लिमिटेडका अध्यक्ष कपिलसागर कर्माचार्यको अध्यक्षतामा सम्पन्न साधारणसभामा नेफस्कुनका केन्द्रीय सदस्य नवराज सापकोटा प्रमुख अतिथि रहनुभएको थियो ।
त्यस्तै कार्यक्रमको विशिष्ट अतिथिमा माननीय गीता वाग्ले, रामबाबु पौडेल, हरि आचार्य, अधिवक्ता गजेन्द्र वस्ती, राष्ट्रिय बचत तथा ऋण सहकारी संस्था लिमिटेडका पूर्व अध्यक्ष लोमस श्रेष्ठ, संस्थापक अध्यक्ष ज्ञानश्याम बस्ताकोटी रहनुभएको थियो ।
मदन प्रधानको अध्यक्षमा नयाँ कार्यसमिति समेत चयन भएको छ । नवनिर्वाचित समितिको उपाध्यक्षमा दिपक बस्ताकोटी, सचिवमा कमलनाथ अधिकारी, कोषाध्यक्षमा मधुरा श्रेष्ठ, सदस्यहरुमा आशा श्रेष्ठ ब्रजाचार्य, राजन पिया, गोपाल भट्टराई, गोविन्द जमरकट्टेल, पंकज अग्रवाल र लेखा सुपरीवेक्षण समितिमा अर्जुन कुमार महर्जन रहनुभएको छ ।