भरतपुर/छैटौं चितवन अन्तराष्ट्रिय औद्योगिक प्रदर्शनी–२०७८ को दोश्रो दिन संघ परिसरमा प्रविधि मार्फत औद्योगिक विकासका लागि परिवर्तित आयामहरु, स्वदेशी उत्पादनको निकासीको अवस्था र बजारीकरणका लागि प्रबद्र्धनका उपायहरु, औद्योगिक नीति तथा कार्यक्रम ः नेपालमा औद्योगिक अवस्था अवसर र सम्भावनाका विषयमा गोष्ठी तथा सेमिनार सम्पन्न भएको छ ।

चितवन उद्योग संघका अध्यक्ष त्रिलोचन कँडेलको अध्यक्षतामा सम्पन्न गोष्ठी तथा सेमिनारमा नेपाल सरकार, उद्योग वाणिज्य तथा आपूर्ति मन्त्रालय लगानी प्रबर्धन महाशाखाका प्रमुख नारायणप्रसाद दुवाडीले औद्योगिक नीति तथा कार्यक्रम ः नेपालमा औद्योगिक अवस्था अवसर र सम्भावनाका विषयमा प्रस्तुतिकरण गर्नुभएको थियो । उक्त प्रस्तुतिको टिप्पणीकारमा चितवन उद्योग उद्योग गभिर्नङ काउन्सिलका अध्यक्ष सोमराज मरहठ्ठा र चितवन उद्योग संघका निवर्तमान अध्यक्ष राजु पौडेल हुनुहुन्थ्यो ।

त्यसैगरी नेपाल सरकार, उद्योग, वाणिज्य तथा आपूर्ति मन्त्रालय, व्यापार तथा निकासी प्रवद्र्धन केन्द्रका कार्यकारी निर्देशक सुयस खनालले स्वदेशी उत्पादनको निकासीको अवस्था र बजारीकरणका लागि प्रबद्र्धनका उपायहरुका विषयमा प्रस्तुतिकरण गर्नुभएको थियो । उक्त प्रस्तुतिको टिप्पणीकारमा बागमती प्रदेश उद्योग परिसंघका अध्यक्ष भेषराज दुवाडी र उद्योग वाणिज्य संघ–चितवनका पूर्व अध्यक्ष मित्रराज दवाडी हुनुहुन्थ्यो ।

त्यसैगरी चितवन उद्योग संघ युवा उद्यमी मञ्चका अध्यक्ष सुरेन्द्र कार्कीले प्रविधि मार्फत औद्योगिक विकासका लागि परिवर्तित आयामहरुका विषयमा प्रस्तुतिकरण गर्नुभएको थियो । उक्त प्रस्तुतिको टिप्पणीकारमा राष्ट्रिय आविष्कार केन्द्रका अध्यक्ष डा.महाविर पुन (प्रविधि), र उद्योग वाणिज्य संघ चितवनका बरिष्ठ उपाध्यक्ष चुननारायण श्रेष्ठ (आर्थिक) हुनुहुन्थ्यो ।

तिनवटा छुट्टाछुट्टै विषयहरुमा भएका प्रस्तुतिकरणबाट आएका जिज्ञासाहरुको उद्योग वाणिज्य तथा आपूर्ति मन्त्रालय लगानी प्रबर्धन महाशाखाका प्रमुख नारायणप्रसाद दुवाडीले समाधान गर्नुभएको थियो ।

गोष्ठी एवम् सेमिनारमा उद्योग विभागका महानिर्देशक रामचन्द्र तिवारी, उद्योग वाणिज्य तथा आपूर्ति मन्त्रालय लघु, घरेलु तथा साना उद्योग प्रबर्धन केन्द्रका प्रमुख कार्यकारी अधिकृत ऋषिराम पंगेनी, उद्योग, वाणिज्य तथा आपूर्ति मन्त्रालय, व्यापार तथा निकासी प्रवद्र्धन केन्द्रका निर्देशक रविन्द्र दवाडी, उपनिर्देशक सिद्धिचरण दाहाल, संघका पूर्व अध्यक्ष हरि प्रसाद सुवेदी, चितवन उद्योग संघका पूर्व अध्यक्ष गुणाकर खरेल, उपाध्यक्षहरु मदन घिमिरे, गजेन्द्र अधिकारी, मदन चिरञ्जीवी पोखरेल, कार्यकारी निर्देशक गणेशप्रसाद सिलवाल, चितवन उद्योग संघ महिला उद्यमी मञ्चकी अध्यक्ष पार्वती सुवेदी कुँबर, छैटौ अन्तर्राष्ट्रिय चितवन औद्योगिक प्रदर्शनीको व्यवस्थापकीय साझेदारी मिडिया स्पेश सोलुसनका प्रबन्ध निर्देशक श्रीजल भट्टराई लगायत उद्योगीहरुको को सहभागिता रहेको थियो ।

चितवन उद्योग संघ युवा उद्यमी मञ्चका सदस्य अनिष पौडेलले सञ्चालन गर्नुभएको कार्यक्रमको संयोजक चितवन उद्योग संघका कार्यसमिति सदस्य एवम् गोष्ठी तथा सेमिनारका संयोजक पुरुषोत्तम रिजालले गर्नुभएको थियो । भने, गोष्ठी तथा सेमिनार कार्यक्रमलाई चितवन उद्योग संघका उपाध्यक्ष एवम् प्रदर्शनी केन्द्र सञ्चालन विभागका संयोजक सूर्यप्रसाद न्यौपानेले धन्यवाद मन्तव्य सहित समापन गर्नुभएको थियो ।