भरतपुर/नेपाल घरेलु तथा साना उद्योग महासंघ बागमती प्रदेशको मंसिर १ गते भएको दोश्रो अधिवेशनका लागि चितवन उद्योग संघका अध्यक्ष त्रिलोचन कँडेलको नेतृत्वमा संघका पूर्व अध्यक्ष तारा प्रसाद पौडेल, उपाध्यक्षहरु गजेन्द्र अधिकारी, युग राज वस्ती मदन चिरञ्जीवी पोखरेल र बागमती प्रदेश महिला प्रनिनिधिको रुपमा चितवन उद्योग संघ महिला उद्यमी मञ्चकी कार्यवहाक अध्यक्ष सृजना सोतीको संयोजकत्वमा महिला उद्यमी सदस्यहरु गीता ढकाल, जुनु पौडेल अधिकारी, प्रमिला पोखरेल, बुद्धिमाया घलेलाई प्रतिनिधिको रुपमा पठाइएको थियो ।
त्यस्तै पर्यवेक्षकको रुपमा संघका उपाध्यक्ष सूर्य प्रसाद न्यौपाने, कार्यकारी निर्देशक गणेशप्रसाद सिलवाल, कार्यसमिति सदस्यहरु प्रतिभा श्रेष्ठ, गोपाल प्रसाद गैरे, कार्यसमिति सदस्य गोविन्द प्रसाद खनाल, दुर्गालाल सापकोटा, पूर्व कार्यसमिति सदस्य गोविन्द प्रसाद अर्याल, प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्टको सहभागिता रहेको थियो ।
बागमती प्रदेश अन्तर्गतका १३ जिल्लाबाट करीब २५० भन्दा बढी प्रतिनिधि र १५० भन्दा बढी पर्यवेक्षकहरुको सहभागितामा सम्पन्न नेपाल घरेलु तथा साना उद्योग महासंघ बागमती प्रदेशको दोश्रो अधिवेशनबाट चितवन उद्योग संघका पूर्व अध्यक्ष तारा प्रसाद पौडेलको नेतृत्वमा नेपाल घरेलु तथा साना उद्योग महासंघ बागमती प्रदेशको नयाँ समिति चयन भएको छ ।
पौडेलको नेतृत्वमा निर्वाचित नयाँ कार्यसमितिको सदस्यहरुमा चितवन उद्योग संघबाट प्रतिनिधिको रुपमा पठाइएका संघका उपाध्यक्ष युग राज वस्ती र महिला उद्यमी मञ्चकी कार्यवहाक अध्यक्ष सृजना सोती सर्वसम्मत रुपमा सदस्य पदमा चयन हुनुभएको छ ।
त्यस्तै नेपाल घरेलु तथा साना उद्योग महासंघ प्रदेश महिला उद्यमी समितिको अधिवेशनबाट प्रदेश महिला उद्यमी समिति सदस्यमा चितवन उद्योग संघ महिला उद्यमी मञ्च कालिकाकी सदस्य बुद्धिमाया घले निर्वाचित हुनुभएको छ ।
नवनिर्वाचित अध्यक्ष एवं कार्यसमिति सदस्यहरुलाई चितवन उद्योग संघको तर्फबाट हार्दिक बधाई एवम् सफल कार्यकालको शुभकामना व्यक्त गर्दछौं ।
Advertisement
