कुरिनटार/चितवन उद्योग संघ इच्छाकामना गाउ“पालिका इकाई समितिको इकाई समिति कार्यालय उद्घाटन एवं औद्योगिक सुरक्षा स्टिकर टाँस कार्यक्रम सम्पन्न गरिएको छ ।
चितवन उद्योग संघ इच्छाकामना इकाई समितिका संयोजक अमर बहादुर अधिकारीको सभापतित्वमा सम्पन्न कार्यक्रममा इच्छाकामना गाउँपालिकाको कार्यालयका उपाध्यक्ष कृतिकुमार श्रेष्ठ प्रमुख अतिथि रहनुभएको थियो ।

कार्यक्रमका विशिष्ट अतिथि चितवन उद्योग संघका अध्यक्ष भेषराज दुवाडीले कार्यक्रमको उद्देश्य सहित संघले अघि सारेका परियोजनाहरुको बारेमा प्रकाश पार्नुभएको थियो ।
कार्यक्रममा चितवन उद्योग संघका बरिष्ठ उपाध्यक्ष राजुृ पौडेल, कार्यक्रममा सशस्त्र प्रहरी बल नेपाल विपद् व्यवस्थापन तालिम केन्द्र, कुरिनटार, डिएसपि सुजित विष्ट, औद्योगिक सुरक्षा गुल्म नं. ३४, का सशस्त्र प्रहरी नायव उपरीक्षक विनोद खतिवडा, इलाका प्रहरी कार्यालय मुग्लिङका प्रतिनिधि महेन्द्र के.सी., चितवन उद्योग संघका उपाध्यक्ष त्रिलोचन कँँडेल, कार्यसमिति सदस्य दुर्गाप्रसाद भण्डारी, जितबहादुर हमाल, इच्छाकामना इकाई समितिका निर्देशक रामहरि कँडेल, शिव पौडेल, नरबहादुर नेपाल, चितवन उद्योग संघका प्रशासकीय अधिकृत गोविन्द प्रसाद पौडेल, ईभेन्ट सुपरभाइजर दिपक दुवाडीलगायतको उपस्थिति रहेको थियो ।

कार्यक्रम अन्तर्गत प्रमुख अतिथि, विशिष्ट अतिथि एवं अतिथिहरुको सहभागितामा इच्छाकामना रहेका उद्योगहरुमा औद्योगिक सुरक्षा स्टिकर समेत टाँसिएको थियो ।