कार्ययोजना तर्जुमा गोष्ठीमा संघका अध्यक्ष त्रिलोचन कँडेलले कार्यक्रमको उद्देश्य सहित १६ औं कार्यसमितिको नीति तथा कार्यक्रम प्रस्तुत गर्नुभएको थियो । गोष्ठीमा संघका पूर्व अध्यक्ष हरिप्रसाद सुवेदीले संघको इतिहासका विषयमा, पूर्व अध्यक्ष कृष्ण प्रसाद अधिकारीले संघको मर्म भावना र संघको गरिमाको लागि गर्नुपर्ने कदमका विषयमा, निवर्तमान अध्यक्ष राजु पौडेलले शक्तिखोर औद्योगिक क्षेत्रको विषयमा योजना सहित आफ्ना धारणाहरु राख्नुभएको थियो ।

अध्यक्ष कँडेलले प्रस्तुत गर्नुभएको नीति तथा कार्यक्रम अनुरुप संघका उपाध्यक्षहरु, महिला/युवा उद्यमी मञ्चका अध्यक्षहरुले आ–आफ्नो विभागको दुईवर्षे कार्ययोजना समेत प्रस्तुत गर्नुभएको थियो ।

कार्ययोजना गोष्ठीमा उपाध्यक्ष सूर्य प्रसाद न्यौपानेले सहकारी व्यवस्थापन, औद्योगिक प्रदर्शनी तथा बिक्री केन्द्र सञ्चालन विभाग, मदन घिमिरेले आर्थिक योजना तथा निर्माण विभाग,  गजेन्द्र अधिकारीले सचिवालय विभाग,  युग राज वस्तीले नीति निर्माण समन्वय तथा उद्यमी पाठशाला सञ्चालन विभाग, मदन चिरञ्जीवी पोखरेलले सदस्यता विस्तार तथा औद्योगिक भ्रमण विभाग, तारा बहादुर कार्कीले उद्यमी समन्वय एवम् औद्योगिक राहत कोष व्यवस्थापन विभाग सम्बन्धि प्रस्तुतिकरण गर्नुभएको थियो ।  कार्ययोजना गोष्ठीमा महिला उद्यमी मञ्चको तर्फबाट कार्यवहाक अध्यक्ष सृजना सोती,  युवा युवा उद्यमी मञ्चको तर्फबाट अध्यक्ष सुरेन्द्र कार्कीले प्रस्तुतिकरण राख्नुभएको थियो ।

उपाध्यक्षहरु, महिला/युवा उद्यमी मञ्चबाट प्रस्तुत योजनाहरुका विषयमा सहभागी उद्योगीहरुबाट जिज्ञासाहरु समेत आएका थिए । आएका जिज्ञासाहरुलाई सम्बन्धित सेसनका अध्यक्षहरु र सम्बन्धित विभागका संयोजकहरुले प्रष्ट्याउनु भएको थियो ।

संघका उपाध्यक्ष मदन घिमिरेको संयोजकत्वमा सम्पन्न कार्ययोजना तर्जुमा गोष्ठीको सहजीकरण चितवन उद्योग संघका कार्यकारी निर्देशक गणेशप्रसाद सिलवालले गर्नुभएको थियो । भने कार्यक्रमलाई संघका अध्यक्ष त्रिलोचन कँडेलले धन्यवाद मन्तव्य सहित समापन गर्नुभएको थियो ।