भरतपुर/चितवनमा एमजीको जेड एस विद्युतीयकार भित्रिएको छ । एमजीको लागि चितवनको आधिकारिक बिक्रेता अर्क मोटर्स भरतपुर ओरालोले एमजीको जेड एस भित्रयाएको हो ।
अर्क मोटर्सले एक कार्यक्रमकाबीच उक्त गाडी सार्वजनिक गरेको हो । नेपाल राष्ट्रिय उद्योग एवं व्यापार संगठनका केन्द्रीय अध्यक्ष श्यामबहादुर पाठकले उक्त गाडी सार्वजनिक गरे । गाडी सार्वजनिक सँगै सोही कार्यक्रमका बीच अर्क मोटर्स पनि औपचारिक रुपमा उद्घाटन गरिएको छ ।
उद्धघाटनपछि बोल्दै पाठकले पछिल्लो समय चितवन आर्थिक केन्द्रको रुपमा विकसित भएको भन्दै विद्युतीय गाडीको प्रयोगले देशको व्यापार घाटा कमगर्न मदतपुग्ने बताए । यस मोडलको गाडी आरामदायी, सुरक्षित र आकर्षित भएको उनले बताए । यस्तै उनले बातावरण प्रदुषण कम गर्नका लागि पनि यस्ता विद्युतीय गाडीले मदतमिल्ने बताए ।
अर्क मोटर्सका अध्यक्ष खिम नारायण पराजुलीले शोरुम खुलेसंँगै २२ वटा गाडी बुकिङ भइसकेको जानकारी दिए । चितवनमा यस गाडीको माग र आवश्यकता उत्तिकै रहेको कारण पहिलोपटक यस कम्पनीको गाडीको शोरुम सञ्चालनमा ल्याएको उनले बताए ।
चितवन उद्योग संघका उपाध्यक्ष त्रिलोचन कंडेलले पछिल्लो समय चितवन पनि महंगा गाडी चढ्ने ग्राहकहरु संख्या बढ्दै गइरहेको भन्दै यस गाडी चितवनको माटो सुहाउंँदो, किफायती र जुनसुकै व्यवसायी, पेशाकर्मीलाई समेत उपयोगी रहने बताए ।
विघुतीय एसयूभीएमजी जेडएसले ११० किलोवाट पावर र ३५ एन.एम. अधिकतम टर्क दिन्छ र यसमा भएको लिथियम आयनले ३० मिनेटमा ८० प्रतिशतसम्म चार्ज हुन्छ । यस् गाडीको नेपालभर नै राम्रो माग रहेको उनले बताए । यसको चितवनमा पनि माग उच्च रहेको उनको भनाई छ । एमजीको जेड एस नेपाली बजार माहालै मात्र लन्च भएको हो । यसमा साँढे ४४ किलोवाटको ब्याट्री रहेको उनले बताए ।
एमजी जेडएस इभीलाई एक पटक चार्ज गरेपछि ४२८ किमीसम्मको माइलेज दिन्छ । यसको ब्याट्रि लाइफमा ८ बर्ष अथवा १ लाख ५० हजार किलोमिटर वारेन्टी छ ।यो विघुतीय गाडीको मूल्य ४९ लाख ९९ हजार छ । एमजी, मोरिज ग्यारेज ९६ बर्ष पुरानो ब्रिटिस ब्रान्ड हो । युरोप, नेदरल्याण्ड नर्वे, भारत, श्रीलंका, थाइल्याण्ड, इन्डोनेशिया, चिलि, अस्ट्रेलिया, न्युजील्याण्ड र नेपालमा यसको उच्चमाग छ । यो संँगै नेपालमा समेत यसको मागअत्याधिक बढ्दै गएको बताइएको छ ।
एमजीका उत्पादनहरु विश्वका ६० भन्दा बढि देशहरुमा ब्रिक्री हुदै आइरहेको छ ।यसै बीचएमजीको जेड एस विद्युतीयकार बुकिङ गरेकामध्य २ जनालाई आज उक्त कार हस्तान्तरण गरिएको छ ।
