गैडाकोट/गैंडाकोट नगर पालिका वडा नं ३ बस्तीपुरलाई लायन्स गाँउका रुपमा बिकास गरिरहेका लायन्सहरुले आज नगद हस्तान्तरण, खेलकुद सामाग्रीहरु प्रदान गरेका छन् । गैंडाकोट नगर पालिका वडा नं ३ बस्तीपुरको हरियाली टोल बिकास सस्थाका युवाहरुलाई खेलकुदका सामाग्री प्रदान गरिएको छ । उक्त सामाग्रीहरु लायन्स क्लब अफ चितवन नवलपुर सम्बृद्धिका सचिब लायन डा. आदित्य जालानले सौजन्य गनुभएको हो । यसै गरी बस्तीपुर गाँउमा खेलकुद मैदान मर्मतका लागि नगद रु १६,००० नगद प्रदान गरिएको छ । कार्यक्रममा लायन्स क्लब अफ गैडाकोट उत्कृष्टका क्लब निर्देशक आरोह सापकोटाको जन्मदिनको अवसरमा प्राप्त रु १०,००० र लायन्स क्लब अफ चितवन नवलपुर सम्बृद्धिका अध्यक्ष डा. भावना बाग्लेले पितृहरुको स्मृतिमा रु ५००० भोक बिरुद्धको अभियानका लागि प्रदान गर्नुभएको थियो ।
बस्तीपुरलाई लायन्स गाँउको रुपमा घोषणा गरे पछि लायन्सहरुको सक्रियतामा बिद्यालय परिसर सँगै रहेको चौतारोको निमार्ण, बिद्यालयमा परिसरमा बालसिकाई कक्षाको निमार्ण भईरहेको छ । सो अभियानलाई सघाउन लायन्स क्लबलाई लायन्स क्लब अफ चितवन चौतारीका पुर्व अध्यक्ष एवं रिजोन चियर पर्सन बिनोद पन्तले रु २५,५५५ र लायन्स क्लब अफ चितवन चौतारीका अध्यक्ष डा. गंगा सापकोटाले रु २ लाख ४० हजार रुपैया हस्तान्तरण गर्नुभएको छ ।
सो कार्यक्रमा लायन्स क्लब ईन्टरनेहनल डिष्ट्रिक ३२५ बि २ का डिष्ट्रिक को चिफ एडभाईजरहरु लायन राजेन्द्र गौतम, लायन कृष्ण पाण्डे, डिष्ट्रिक डेपुटी सचिब पूर्णप्रसाद शर्मा, पञ्चकन्या प्राथामिक बिद्यालय बिद्यालय ब्यावस्थापन समितिका अध्यक्ष रुद्र प्रसाद पौडेल, बिद्यालयकी प्रअ राधिका भण्डारी, बिद्यालयका शिक्षक शिक्षिकाहरु चार बटै क्लबका अध्यक्ष एवं पदाधिकारी तथा स्थानियहरुको उपस्थिती रहेको थियो ।
गैंडाकोट नगर पालिका वडा नं ३ बस्तीपुरलाई लायन्स गाँउका रुपमा बिकास गर्नका लागि लायन्स क्लब अफ चितवन चौतारी, लायन्स क्लब अफ गैडाकोट उत्कृष्ट, लायन्स क्लब अफ चितवन नवलपुर सम्बृद्धि र लायन्स क्लब अफ चितवन स्पन्दनले गत जुलाई महिनादेखि बिबिध कार्यक्रहरु गरिराखेका छन् । हाल सम्म पञ्चकन्या प्राथामिक बिद्यालय परिसर तथा छेउछाउमा बृक्षारोपण गरेका छन् । बिद्यालय परिसर सँगै चौतारो निमार्णाधिन छ । आगामी दिनमा उक्त गाँउमा बिद्यार्थीहरुलाई स्टेशनरी सामाग्री प्रदान गर्ने, बिद्यालयमा खानेपानीको प्रबन्ध गर्ने, स्वास्थ्य शिबिर तथा चेतनामुलक कार्यक्रमहरु गरिने लायन्स क्लब अफ गैडाकोट उत्कृष्टका अध्यक्ष किरण कुमार केशीले बताउनुभयो ।
