भरतपुर/चितवन रिकण्डिसन व्यवसायी संघले गरेको भेलाबाट अध्यक्ष पदमा सूर्य अधिकारी चयन भएका छन । भरतपुरमा सम्पन्न भएको भेलाले अधिकारीलाई सर्वसम्मत चयन गरेको हो । ११ जना सदस्य रहेको समितिको उपाध्यक्षमा दिपक खड्का, सचिवमा घनश्याम न्यौपाने, सहसचिवमा जनक ढकाल र कोषाध्यक्षमा दिनेश पौडेल चयन भएका छन । यस्तै समितिको सदस्यहरुमा दिपक रेग्मी,सन्तोष थपलिया,शिव तिवारी रहेका छन ।

अन्य सदस्यहरुमा शिव लामिछाने ,अर्जुन लामिछाने, अविनाश खनाल चयन भएका छन । समितिको सल्लाहाकारमा कपिल सागर कर्माचार्य, महेश थापा, विकास थापा, सूर्य बहादुर सुनार र प्रबिन श्रेष्ठ रहेका छन भने कानुनी सल्लाहकारमा धमेन्द्र थापालाई कानुनी सल्लाहकारमा चयन गरिएको छ । भेलाले यसपछि संघलाई बैधानिकता दिन दर्ता प्रक्रिया शुरु गर्ने निर्णय गरेको छ र यही नवगठित ११ सदस्यलाइ नै आगामी अधिवेशन सम्मको लागि आधिकारिता दिन सर्वसम्मत पास गरेको छ । सो अवसरमा बोल्दै नवनिर्वाचित अध्यक्ष अधिकारीले आफूले नेतृत्व गरेको संघ भएपनि यो संघ सबै रिकण्डीसन व्यवसायीको साझा संघ भएको बताए । संघले अवका दिनमा व्यवसायीहरुको विभिन्न समस्या र हितको बारेमा घनिभूत छलफल र काम गरिने अधिकारीको भनाई छ ।

उद्धघाटन कार्यक्रममा प्रमुख अतिथि सहनलाल प्रधान, व्यवसायी राजु श्रेष्ठ, युवा उद्यमी राकेशमान श्रेष्ठले बधाई तथा शुभकामना व्यक्त गरेका थिए । कार्यक्रमको अध्यक्षता नवीन अटो सेण्टरका सञ्चालक कपिल सागर कर्माचार्यले गरेका थिए ।