भरतपुर/स्व.नेत्रप्रसाद तिमिल्सिना र स्व. नरेन्द्र बस्नेतको स्मृतिमा चितवन अटोमोवाइल रिकण्डिसन एशोसिएन चितवनद्वारा बृहत् खुल्ला रक्तदान कार्यक्रम सम्पन्न भयो ।
चितवन अटोमोवाइल रिकण्डिसन एशोसिएन चितवनका अध्यक्ष सुर्य अधिकारीको अध्यक्षमा सम्पन्न रक्तदान कार्यक्रममा उद्योग वाणिज्य संघ–चितवनका बरिष्ठ उपाध्यक्ष चुननारायण श्रेष्ठ प्रमुख अतिथि रहनुभएको थियो ।
चितवन अटोमोवाइल रिकण्डिसन एशोसिएन चितवनका उपाध्यक्ष दिपक खड्काले संयोजन गर्नुभएको कार्यक्रममा प्रमुख अतिथि चुननारायण श्रेष्ठ, चितवन अटोमोवाइल रिकण्डिसन एशोसिएन चितवनका बरिष्ठ सल्लाहकार कपिल कर्माचार्य, चितवन अटो मोवाइल एशोसिएसनका अध्यक्ष अमृत जोशी, युवा समाजसेवी राकेशमान श्रेष्ठ लगायतले कार्यक्रमको लगायतले कार्यक्रमको सफलताको शुभकामना व्यक्त गर्नुभएको थियो ।
२ जना महिला र ५९ जना पुरुष गरी जम्मा ६१ जनाले रक्तदान गरेका कार्यक्रम संयोजक दिपक खड्काले जानकारी दिनुभयो ।  कार्यक्रमलाई चितवन अटोमोवाइल रिकण्डिसन एशोसिएन चितवनका अध्यक्ष सुर्य अधिकारीले धन्यवाद मन्तव्य सहित समापन गर्नुभएको थियो ।