नारायणगढ/सामाजिक उत्तरदायित्व वहन गर्दै नेपाल सरकारले घोषणा गरेको माक्स सप्ताह कार्यक्रम अन्तर्गत लायन्स क्लव अफ नारायणगढ लालीगुराँस र लायन्स क्लव अफ नारायणगढ पुष्पाञ्जलीले संयुक्त रुपमा निःशुल्क माक्स तथा पानी वितरण गरेका छन् ।
लायन्स क्लव अफ नारायणगढ लालीगुराँसकी अध्यक्ष लायन सरस्वती श्रेष्ठ र लायन्स क्लव अफ नारायणगढ पुष्पाञ्जलीकी अध्यक्ष लायन कल्पना पाठकको सभापतित्वमा सम्पन्न कार्यक्रममा सयौको संख्यामा निःशुल्क माक्स वितरण गरिएको लायन गीता पौडेलले जानकारी दिनुभयो ।
कार्यक्रममा डिष्ट्रिक गर्भनर लायन रामप्रसाद भट्ट, एजुकेटिभ चिफ लायन दिननाथ न्यौपाने, डेपुटी चिफ लायन शंकर नेपाल, एरिया चिफ लायन वालगोपाल चुके, रिजन चियर पर्सन लायन विनिता नेपाल, रिजन चियर डब्लुओएस लायन दुर्गालक्ष्मी श्रेष्ठ, जोन चियर पर्सन हरिराज भण्डारी लगायत लायन्स क्लव अफ नारायणगढ लालीगुराँस र लायन्स क्लव अफ नारायणगढ पुष्पाञ्जलीका पदाधिकारी एवं सदस्यहरुको उपस्थिति रहेको थियो ।
