भरतपुर /चितवनमा स्कोडाको नयाँ गाडी कुशाक सार्वजनिक भएको छ । भरतपुर १० स्थित रिजाल चोकमा रहेको चितवनको आधिकारिक विक्रेता युरो अटोमोटीभ प्राइभेट लिमिटेडले सार्वजनिक गरेको हो । आकर्षक डिजाइनमा रहेको स्कोडा कुशाक उद्योग वाणिज्य संघ चितवनका अध्यक्ष राजु श्रेष्ठ र युरो अटोमोटीभ प्राइभेट लिमिटेडका अध्यक्ष उज्जल श्रेष्ठले आज विहिबार संयुक्त रुपमा पर्दा हटाएर गाडीको सार्वजनिक गरेका हुन् ।

सो अवसरमा बोल्दै उद्योग वाणिज्य संघ चितवनका अध्यक्ष राजु श्रेष्ठले चितवनको बजारमा स्कोडा कुशाकले सबै ग्राहकवर्गहरुको मन जित्ने विश्वास व्यक्त गरे । चितवनका सडक बिकास र विस्तार भए संगै चितवनमा विभिन्न ब्रान्डका गाडी चढ्नेको संख्या बढ्दै गएको हुँदा स्कोडा कुशाक पनि ग्राहकको रोजाइमा पक्कै पर्नेछ उनले भने ।

युरो अटोमोटीभ प्राइभेट लिमिटेडका अध्यक्ष उज्वल श्रेष्ठले औपचारीक रुपमा नेपालका लागि स्कोडाको आधिकारिक वितरक एम।ए।डब्लु इन्टरप्राइजेज प्रालिले बजारमा भित्र्याएको कुशाक काठमाडौं लगाएत नेपालका विभिन्न शहरहरुमा सार्बजनिक भएको बताउदै चितवनमा स्कोडा कुशाक लन्च गर्न पाउदा खुसी लागेको बताए । सेफ्टी फिचर्समा आधारित नयाँ कुशाक तीन ट्रिम९ एम्बिसन, एक्टिभ र स्टाइल एवम क्यान्डि ह्वाइट, ब्रिलियन्ट सिल्भर, कार्बन स्टिल, हनि ओरेन्ज र टोर्नेडो रेड गरी पाँच कलर भेरिएन्टमा उपलब्ध छ । सुरुवाती मूल्य ४९ लाख ९० हजार रहेको कुशाकको अन्तिम मुल्य ६५ लाख ९० हजार रुपैयाँ तोकिएको एम।ए।डब्लु इन्टरप्राइजेजका स्कोडा डिभिजन बिजिनेश म्यानेजर आकाश बिक्रम थापाले बताए । गाडीका अझै थुप्रै नयाँ विशेषताहरु रहेकाले ग्राहकहरुलाई एकपटक गाडी हेर्न आउन उनले आग्रह समेत गरे ।

चितवनमा गाडी लन्च भए संगै फरक भेरीयन्टका ३ युनिट स्कोडा कुशाक बिक्री भइसकेको छ । कुशाक खरिदका लागि ग्राहकले ५।९९ प्रतिशत ब्याजदरमा एभरेष्ट बैक बाट ऋण पाउने छन्। युरो अटोमोटीभ प्राइभेट लिमिटेडले विगत ७ बर्ष देखी भरतपुरको रिजाल चोकमा विभिन्न ब्रान्डका स्कोडा गाडी बिक्री गर्दै आएको छ । कार्यक्रममा युरो अटोमोटीभका म्यानेजिङ्ग डाइरेक्टर रवीन कुमार श्रेष्ठ, चितवन अटो मोबाइल डिलर्स एशोसियसनका उपाध्यक्ष गोपाल भट्टराई, चितवन अटो मोबाइल एशोसियसनका अध्यक्ष अमृत जोशी र चितवन अटो मेकानिक एशोसियसनका अध्यक्ष प्रेम प्रशाद पाण्डेले मन्तब्य राखेका थिए ।