चितवन/चितवनमा पछिल्लो २४ घण्टामा थप १०७ जना कोरोना संक्रमण पुष्टि भएको छ। स्वास्थ्य कार्यालय चितवनको अनुसार थपिएका मध्ये भरतपुर महानगरपालिकामा मात्रै ६३ जना छन् । यस्तै खैरहनी नगरपालिकाका ११, माडीका ३, रत्ननगरका १२, राप्तीका ८ र कालिकाका ९ र इच्छाकामना गाउँपालिकाका एक जना रहेका छन् । यससँगै चितवनमा सक्रिय संक्रमितको संख्या १३७८ पुगेको छ । हालसम्म चितवनमा १७२०६ जनामा कोरोना संक्रमण पुष्टि भएको छ । यस्तै पछिल्लो २४ घण्टामा ४६ जना निको भएका छन् । उता पछिल्लो २४ घण्टामा चितवनमा कोरोनाबाट मृत्‍यु हुनेको संख्या भने शुन्य छ ।हालसम्म चितवनमा २९१ जना कोरोना संक्रमितको मृत्यु भइसकेको छ ।