गोरखा (सुन्तले)/देशैभर यतिबेला बाढीपहिरोले जनधनको क्षतिसँगै कैयौ घरपरिवारहरु बिस्तापित भएका घटनाहरु आइरहेको छ । लिगलिग कोट कार्की गाउँ, सुन्तले आसपासमा विगत २४ घण्टामा आएको भिषण अबिरल वर्षाको कारण इतिहासमै पहिलो पटक स्थानीयहरु “मानो खाएर मुरी उत्पादन गर्ने आफ्नो खेत कहाँ थियो ठम्याउन नसक्ने गरी बगर बनेको दृश्य टुलुटुलु हेर्न बाध्य भएका छन् ।
धुन्दुरे खोला र आसपासका साना खोला खोल्साहरुमा आएको विनाशकारी बाढिको कारण खोलाले आफ्नो बाटो परिबर्तन गरी आसपासमा रहेको खेतीयोग्य जमिन र धान रोपेको जमिन जुडी काट्न बाँकी खेतहरु मरुभूमिमा परिणत गरिदिएको अधिकांश स्थानीयवासीहरुको भनाई छ ।

बाढीका कारण गोरखा सुन्तलेका स्थानीयवासीहरु यतिबेला शोकको साथै भोकमा आफ्नो जीवनयापन गर्न बाध्य भएका छन् । २०७२ को भुकम्पपछि बनेको नयाँ बस्तीका अधिकांश स्थानीयहरु यतिबेला पहिरोको उच्च जोखिममा रहेको र कतिपयको घरगोठ समेत पहिरोले लगेपछि उनीहरु यतिबेला गाउँकै नमूना विद्यालयमा ज्यान जोगाउन बाध्य छन् ।

गोर्खाको विकट नै मानिने उक्त स्थानमा सरकारी, सरोकारवाला निकायहरुको खासै चासो नदेखिएता पनि त्यहाँका स्थानिय एवं युवा पंक्तिहरु बिस्कुते देखी नयाँबस्तीसम्म उद्धारमा जुटेका थिए । स्थानीयका अनुसार बिजुली डाँडा देखी झरेको पहिरो र कार्की गाउँ आसपासमा झरेको पहिरोले धुन्दुरे खोला केही घण्टा थुनिएको थियो र पछि एकैपटक खोलिदा खोलाको तटिया क्षेत्र र खेतीयोग्य जमिन एकै छिनमा बगर बनेको हो ।
गृह मन्त्रालय अन्तर्गतको राष्ट्रिय आपत्कालीन कार्य सञ्चालन केन्द्रको विवरणअनुसार बाढीपहिरोका कारण विगत १० वर्षमा झन्डै २,००० जनाको मृत्यु भएको छ भने ७२,००० भन्दा बढी घरपरिवार प्रभावित भएका छन्।

https://www.facebook.com/messenger_media/?thread_id=100008598666834&attachment_id=162632129187786&message_id=mid.%24cAAAABjyZdyaAlg3AJl6ZMnTV5ybu