भरतपुर/नेपाल उद्योग परिसंघ र चितवन उद्योग संघका पदाधिकारीहरुबीच चितवन प्रदर्शनी केन्द्र निर्माण र निर्माणपछिको सञ्चालन प्रक्रियाको बारेमा महत्वपूर्ण छलफल सम्पन्न भएको छ । चितवन उद्योग संघका अध्यक्ष भेषराज दुवाडीको अध्यक्षतामा सम्पन्न छलफलमा नेपाल उद्योग परिसंघका अध्यक्ष सतिषकुमार मोर प्रमुख अतिथि रहनुभएको थियो ।
प्रमुख अतिथि मोरले चितवन प्रदर्शनी केन्द्रको निर्माण प्रक्रिया र सञ्चालन कार्यविधिका बारेमा आफूहरु सकारात्मक रहेको बताउनुभयो । छलफलमा नेपाल उद्योग परिसंघका तर्फबाट उपाध्यक्षहरु अनुज अग्रवाल, बिष्णुकुमार अग्रवाल, कृष्णप्रसाद अधिकारी, कार्यकारी निर्देशक मेघनाथ न्यौपाने, चितवन उद्योग संघका तर्फबाट बरिष्ठ उपाध्यक्ष राजु पौडेल, उपाध्यक्षहरु त्रिलोचन कँडेल, सूर्यप्रसाद न्यौपाने, कार्यकारी निर्देशक गणेशप्रसाद सिलवाल, गभर्निङ काउन्सिलका संयोजक हरिप्रसाद सुवेदी, कार्यसमिति सदस्य युग राज वस्ती, परियोजना व्यवस्थापक रोचक अधिकारी, प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, इभेन्ट सुपरभाइजर दिपक दुवाडीलगायतको उपस्थिति रहेको थियो ।
यसअघि चितवन उद्योग संघद्वारा नेपाल उद्योग परिसंघका पदाधिकारीहरुलाई भरतपुर विमानस्थलमा स्वागत गरिएको थियो । नेपाल उद्योग परिसंघका अध्यक्ष सतिषकुमार मोर, उपाध्यक्षहरु अनुज अग्रवाल, बिष्णुकुमार अग्रवाल, कृष्णप्रसाद अधिकारी, कार्यकारी निर्देशक मेघनाथ न्यौपानेलाई चितवन उद्योग संघका अध्यक्ष भेषराज दुवाडी लगायतको टोलीले स्वागत गरिएको थियो ।
