नारायणगढ/उद्योग वाणिज्य संघ–चितवनले तनहुँंको विकट मानिने देवघाट गाउँपालिका–१ बसेनीटारमा राहत वितरण गरेको हो । कोभिड १९ को नयाँ भेरियन्ट सहितको दोस्रो लहरको रोकथाम तथा नियन्त्रणका लागि नेपाल सरकारबाट लागु गरिएको निषेधाज्ञाको कारण दैनिक ज्यालामजदुरी गरि जिविको पार्जन गर्ने सर्वसाधारणलाई हातमुख जोड्ने समस्या परेकोले राजमार्ग देखी करिब १२ किलोमिटरको उचाईमा रहेको वस्तीका ५५ विपन्न परिवारलाई चामल, दाल, तेल, चिउरा, आलु, नुन लगायतका दैनिक अत्यावश्यकीय उपभोग्य वस्तुु वितरण गरेको संघका अध्यक्ष राजु श्रेष्ठले जानकारी दिनुभयो ।

तनहुँका समासद् माननीय कृष्णकुमार श्रेष्ठको समन्वयमा गरिएको राहत वितरण कार्यक्रममा संघका प्रथम उपाध्यक्ष सुमनकुमार श्रेष्ठ, प्रथम उपाध्यक्ष सुमन कुमार श्रेष्ठ, द्धितीय उपाध्यक्ष चिरञ्जिवि सुवेदी, कार्यसमिति सदस्यद्धय राजेन्द्र ओली र लिलबहादुर क्षेत्री तथा वडा देवघाट १ का जनप्रतिनिधिको सहभागिता रहेको संघका कार्यकारी निर्देशक निलबहादुर केसीले जानकारी दिनुभयो ।