भरतपुर/बुटिक डिजाइनिङमा उद्यमी बन्न चाहने महिलाहरुलाई लक्षित ७ दिने हाते कडाई तालिम समापन कार्यक्रम सम्पन्न भयो ।
चितवन उद्योग संघ महिला उद्यमी मञ्चकी अध्यक्ष सुधा सुवेदी पौडेलको अध्यक्षतामा सम्पन्न कार्यक्रममा भरतपुर महानगरपालिकाकी उपप्रमुख पार्वती शाह ठकुरी प्रमुख अतिथि रहनुभएको थियो । भने चितवन उद्योग संघका अध्यक्ष राजु पौडेल, भरतपुर महानगरपालिकाका प्रवक्ता अरुण पीडित भण्डारी विशिष्ट अतिथि रहनुभएको थियो ।
कार्यक्रममा प्रमुख अतिथि भरतपुर महानगरपालिकाकी उपप्रमुख पार्वती शाह ठकुरीले यस्ता खाले तालिमले महिलाहरुको जीवनस्तरमा महत्वपूर्ण भूमिका खेल्ने हुँदा तालिममा सिकेका सिपलाई व्यवहारमा उतार्न आग्रह गर्नुभयो ।
त्यस्तै विशिष्ट अतिथि चितवन उद्योग संघका अध्यक्ष राजु पौडेलले ७ दिनसम्म तालिममा सहभागी हुनुभएका प्रशिक्षार्थीहरुलाई शुभकामना दिदै तालिममा सिकेका सिपलाई उद्यमीको रुपमा अगाडि बढाउन समेत आग्रह गर्नुभयो ।
त्यसैगरी अर्का विशिष्ट अतिथि महानगरपालिकाका प्रवक्ता अरुण पीडित भण्डारीले संघले समय–समयमा विभिन्न खाले तालिमहरु सञ्चालन गरेर उद्योगी सिर्जना गर्ने कार्य गरेकोले उद्योग संघप्रति धन्यवाद व्यक्त गर्नुभयो ।
चितवन उद्योग संघ महिला उद्यमी मञ्चकी अध्यक्ष सुधा सुवेदी पौडेलले स्वागत मन्तव्य राख्नु भएको कार्यक्रममा चितवन उद्योग संघका बरिष्ठ उपाध्यक्ष त्रिलोचन कँडेल, संघका उपाध्यक्ष दुर्गा प्रसाद भण्डारी, कार्यसमिति सदस्य गोपाल प्रसाद गैरे, कार्यक्रमका प्रशिक्षकद्वय राधा शर्मा पौडेल र रमा गुरुङ, महिला उद्यमी मञ्चका सदस्यहरु कविता श्रेष्ठ, चन्दना कोइराला, सृजना सोती लगायतको सहभागिता रहेको थियो ।
कार्यक्रममा प्रशिक्षार्थीको तर्फबाट नदिना प्रधानले आफूहरुले ७ दिनमा सिकेका सिप र तालिमको बारेमा प्रष्ट पार्नुभएको थियो ।
कार्यक्रमका प्रमुख अतिथि शाहले तालिमका प्रशिक्षार्थीहरु रिता महतो, नदिना प्रधान, पुजा बस्नेत, अनिता बस्नेत, बिमला परियार, अम्बिका खरेल चापागाई, स्नेहा गुरुङ, सकुन्तला थापा, मञ्जु राना मगर, मिना तामाङ, पबित्रा कुमारी गिरी, सन्ध्या गिरी, जेनु पुरी, जुना के.सी., रसिला प्रधान, नमिता प्रधान, सुनिता देवी पौडेल शर्मा, सविना चौधरी, देवी कँडेल लगायतलाई प्रमाणपत्र प्रदान गर्नुभएको थियो ।
चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई चितवन उद्योग संघ महिला उद्यमी मञ्चका उपाध्यक्ष पार्वती सुवेदी कुँबरले धन्यवाद मन्तव्य सहित समापन गर्नुभएको थियो ।
Advertisement
