भरतपुर/ग्राण्ड मल्टी इन्टरटेन्मेण्ट हाउसको प्रस्तुति चितवन स्टार ओपन सिईगिङ र डान्सिङ कम्पिटेशन सम्पन्न भएको छ ।
ग्राण्ड मल्टी इन्टरटेन्मेण्ट हाउसका संरक्षक टोप बहादुर लोहनीको सभापतित्वमा सम्पन्न कार्यक्रममा सभासद् मिलनबाबु श्रेष्ठ प्रमुख अतिथि रहनुभएको थियो भने युवा व्यवसायी यज्ञविलास (वाई.बि.) पौडेल, सञ्चारकर्मी राजु भट्ट विशिष्ट अतिथि रहनुभएको थियो ।
प्रतियोगितामा जुनियर डान्सिङतर्फ सोनपरी लामा प्रथम, सम्भानी झा द्धितीय र आरोही पौडेल तृतीय भएका छन् । भने सिनियर डान्सिङतर्फ रोशनी थापा मगर प्रथम भएकी छिन् । त्यसैगरी जुनियर सिईगिङतर्फ दिव्या अधिकारी प्रथम, सिनियर सिईगिङतर्फ स्नेहा क्षेत्री प्रथम, जीवन नेपाली द्धितीय र सुशिल परियार तृतीय भएका छन् ।
प्रतियोगिताको प्रमुख निर्णायकमा युवा व्यवसायी एवं समाजसेवी राकेशमान श्रेष्ठ र निर्णायकहरुमा मनोज लामा, सुजन श्रेष्ठ लगायत रहेका थिए ।
प्रतियोगिताको सम्पूर्ण व्यवस्थापन ग्राण्ड मल्टी इन्टरटेन्मेण्ट हाउसकी प्रबन्ध निर्देशक रिता लोहनीले मिलाउनु भएको थियो ।