चितवन /स्टाइल मेकओभर युनिसेक्स सैलुन नारायणगढको आयोजनामा आज भरतपुरमा १० दिने मेकअप तालिमको प्रमाणपत्र बितरण कार्यक्रम सम्पन्न भयो ।
सैलुनकी संचालिका तथा मेकअप आर्टिस्ट मोनिका श्रेष्ठको अध्यक्षतामा आयोजित कार्यक्रमको प्रमुख अतिथी राष्ट्रिय सौन्दर्यकर्मी युनियन नेपालकि केन्द्रीय सचिव अञ्जु गुरुङ्गले एक समारोहका बिच कार्यक्रमको उद्घाटन गर्नुभयो ।

उद्घाटनका क्रममा प्रमुख अतिथी गुरुङ्गले सीप सिकेर कहिल्यै नसकिने र नया नया सीप सिकिएन भने औजार भुत्ते हुने हुदा सबैलाई नया सीप सिक्नका लागि प्रेरित गर्दै बजारमा आउने नया नया प्रबिधिबारे ब्युटिशियनहरु सधै अपडेट हुनुपर्ने कुरा बताउनु भयो । गुरुङ्गले युनियनमा लागेर पेसालाई सुरक्षीत बनाउन उपस्थित सबैलाई आग्रह गर्दै युनियनको परिचय र युनियनमा लाग्दा हुने फाइदाका बारेमा समेत सबिस्तार चर्चा गर्नुभयो ।

स्टाइल मेकओभर युनिसेक्स सैलुन नारायणगढले राष्ट्रिय सौन्दर्यकर्मी युनियन नेपाल भरतपुरका १९ जना सदस्यहरूलाई १० दिने मेकअप तालिम २०७७ पौष १९ देखि २९ गते सम्म प्रदान गरेको थियो । सोही तालिमको सहभागी र स्टाइल मेकओभरका अन्य सहभागी समेत १०० जनालाई आज भरतपुर स्थित होटेल ग्लोबलमा एक कार्यक्रम गरि स्टाइल मेकओभर युनिसेक्स सैलुनले प्रमाणपत्र बितरण गरेको हो ।

कार्यक्रमलाई नाबुन भरतपुर महानगरपालिका कमिटिले सहजीकरण गरि दिएको थियो । नाबुन वाग्मती प्रदेश उपाध्यक्ष बालकुमारी रानाभाट , प्रदेश सदस्य राधिका थापा, अनिता आचार्य, जिल्ला अध्यक्ष सुष्मा तमाङ्ग, महानगर अध्यक्ष सीता गुरुङ्ग,स्टाइल मेकओभर युनिसेक्स सैलुनका प्रमुख व्यबस्थापक कुमार श्रेष्ठ र खिना श्रेष्ठ लगायतको आतिथ्यता रहेको कार्यक्रममा नाबुन वाग्मती प्रदेश उपाध्यक्ष बालकुमारी रानाभाटले शुभकामना मन्तव्य, नाबुन जिल्ला अध्यक्ष सुष्मा तमाङ्गले स्वागत , नाबुन महानगर अध्यक्ष सीता गुरुङ्गले धन्यवाद र नाबुन महानगर सचिव लक्ष्मी अमगाईले संचालन गर्नु भएको थियो ।
कार्यक्रममा स्टाइल मेकओभर युनिसेक्स शैलुनको तर्फबाट हेयर स्टाइल सम्बन्धि डेमो पनि देखाइएको थियो ।