रत्ननगर/श्रीराममन्दिर तथा वैदिक प्रज्ञा प्रतिष्ठान नेपालद्वारा रत्ननगर–१३, जयमंगलामा १३ औं धनधान्याचल शिव महापुराण महायज्ञ गर्ने भएको छ । धनधान्याचल शिव महापुराण महायज्ञ मंसिर १९ देखि २७ गते सम्म गुरुकुलम परिसरमानै हुने कार्यक्रमका संयोजक तथा श्रीराममन्दिर तथा वैदिक प्रज्ञा प्रतिष्ठानका अध्यक्ष भेषराज दुवाडीले पत्रकार सम्मेलनमा बताउनुभयो । उहाँले सम्पूर्ण दानबीरहरुको अपार माया सद्भाव र सहयोगका कारण श्रीराम मन्दिर सत्संग भवन र श्रीराम वैदिक संस्कृत गुरुकुलमको स्थापना भएको समेत पत्रकार सम्मेलनमा बताउनुभयो ।

करीब २६ वर्ष पहिले भैँसी आहाल वस्ने र फोहर फाल्ने स्थानको रुपमा रहेको सो स्थान यतिवेला वैद्धिक सनात धर्माबलम्बीहरुको आस्थाको केन्द्र बनेको र हाल सो गुरुकुलमले धार्मिक र मांगलिक कार्यहरु र १६ संस्कारका कर्महरु गराउन सक्ने पण्डित पुरोहितहरु उत्पादन गरेको समेत बताउनुभयो । संस्थामा कक्षा ६ देखि उत्तरमध्यमा सम्म ७० जना विद्यार्थीहरु र ८ जना शिक्षक कर्मचारीहरु भोजन र आवासीय सुविधाका साथ निःशुल्क रुपमा अध्ययन गरिरहेका छन् ।

विगतका वर्षहरुमा आयोजित महायज्ञको यज्ञ शेष रकमबाट रु ३ करोड ३० लाख बराबरको लगानीमा तयार हुने विद्यापीठ भवन, यज्ञशाला र मूलप्रवेशद्वारको गुरु योजना तयार गरि निर्माण कार्य अघि बढाइएको जानकारी दिदै गुरुयोजना अनुसारको ३ तले ३६ कोठे भवन निर्माणका लागि आर्थिक वर्ष २०७५।०७६ मा ३ नंं. प्रदेश सरकारबाट रु ५० लाख विनियोजित भई त्यस बराबरको काम सम्पन्न भैसकेको र हालसम्म २ करोड लागत बराबरको काम सम्पन्न भैसकेको र १ करोड ३० लाख बराबरको निमाण कार्य बाँकी रहेको कार्यक्रमका संयोजक भेषराज दुवाडीले बताउनुभयो । पत्रकार सम्मेलनमा संस्थाका संरक्षक मण्डल सदस्य हरि प्रसाद कट्टेल, बिश्व हिन्दु महासंघका ३ नं. प्रदेश अध्यक्ष हरि बिलास खनाल, समाजसेवी हरि शरण पाठक लगाएतको उपस्थिती रहेको थियो ।