भरतपुर/चितवन मेटल इन्जिनियरिड्ड एण्ड फेब्रिकेशन उद्योग समितिको दोश्रो साधारणसभा एक कार्यक्रमका बीच सम्पन्न भएको छ । चितवन मेटल इन्जिनियरिड्ड एण्ड फेब्रिकेशन उद्योग समितिका अध्यक्ष ताराबहादुर कार्कीको सभापतित्वमा सम्पन्न कार्यक्रममा चितवन उद्योग संघका अध्यक्ष राजु पौडेल प्रमुख अतिथि, घरेलु तथा साना उद्योग कार्यालयका कार्यालय प्रमुख यादवनाथ आचार्य विशिष्ट अतिथि रहनुभएको थियो ।

साधारणसभामा चितवन मेटल इन्जिनियरिड्ड एण्ड फेब्रिकेशन उद्योग समितिका सल्लाहकारहरु नविन पिया, गोविन्द खनालले शुभकामना मन्तव्य राख्नुभएको थियो । कार्यक्रममा चितवन मेटल इन्जिनियरिड्ड एण्ड फेब्रिकेशन उद्योग समितिका सल्लाहकारहरु दिलिप प्रसाद खनाल, मेहरमान श्रेष्ठ, पूर्वी चितवन इकाई समितिका अध्यक्ष शिव खनाल, माडी इकाई समितिका अध्यक्ष खिमानन्द न्यौपाने, चितवन मेटल इन्जिनियरिड्ड एण्ड फेब्रिकेशन उद्योग समितिका कार्यसमिति सदस्यहरु, मेटल उद्यमीहरुको सहभागिता रहेको थियो ।

साधारणसभा अन्तर्गत चितवन मेटल इन्जिनियरिड्ड एण्ड फेब्रिकेशन उद्योग समितिका द्धितीय उपाध्यक्ष कृष्णप्रसाद भण्डारीद्वारा विवाद समाधान समितिको प्रतिवेदन प्रस्तुत, समितिका सचिव राजु पुडासैनीद्वारा बार्षिक प्रगति प्रतिवेदन प्रस्तुत कोषाध्यक्ष राज कुमार श्रेष्ठद्वारा आर्थिक प्रतिवेदन प्रस्तुत गर्नुभएको थियो । प्रस्तुत प्रतिवेदनहरु माथि सभामा छलफल तथा अनुमोदन समेत गरिएको थियो । साधारणसभामा दुर्घटना राहत कोष स्थापनार्थका लागि समितिमा नरहेता पनि सहयोग पु¥याउने दाताहरुलाई सम्मान समेत गरिएको थियो । सम्मानित हुनेहरुमा ब्लेस आइरन उद्योगका नवराज गिरी, व्यस्त मेटल उद्योगका वसन्त प्रसाद सुवेदी र एम.एम. ग्रिल सटर उद्योगका मोतिलाल वि.क. रहनुभएको थियो ।

कार्यक्रमका सभापति ताराबहादुर कार्कीले स्वागतसँगै समितिको पृष्ठभूमी माथि प्रकाश पार्नुभएको थियो भने साधारणसभाले गरेका निर्णयहरु उतार गरिएको निर्णय पुस्तिका प्रमाणित गर्ने अख्तियारी अनन्त वाग्ले, प्रदोष देवकोटा र कृष्णप्रसाद लोहनीलाई दिएको थियो । चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई चितवन मेटल इन्जिनियरिड्ड एण्ड फेब्रिकेशन उद्योग समितिका उपाध्यक्ष शान्ता न्यौपानेले धन्यवाद मन्तव्य सहित समापन गर्नुभएको थियो ।

साधारणसभा अन्तर्गत बन्द सत्रमा सापटी राहत कोष स्थापना कार्यविधि प्रस्तुत छलफल तथा अनुमोदन, पूर्वी चितवन इकाई समितिको अनुमोदन तथा अन्य इकाई समिति गठन, सदस्यता नविकरण शुल्क अनुमोदन, लेखा परीक्षक नियुक्तिका विषयहरुमा छलफल गरी अनुमोदन समेत गरिएको थियो ।