भरतपुर १० रिजाल चाेकमा चितवन फिजिकल फिटनेस सेन्टरको नयाँ शाखाकाे भवन शिलान्यास सम्पन्न भएकाे छ। रिजाल चाेक बाट उत्तर तर्फ करिब दस कट्ठामा बन्न लागेकाे अतिआधुनिक उक्त भवनमा, स्टिम बाथ, साउना, पार्किङ , चमेना गृह लगाएतका गुणस्तरीय सेवासुविधा उपलब्ध हुने चितवन फिजिकल फिटनेस सेन्टरका प्रेपराइटर प्रकाश गुरुङले जानकारि दिए। गुरुङ, चितवन र नवलपरासीमा विगत दुई दशकदेखि, चितवन फिजिकल फिटनेस सेन्टरका तीन शाखा सञ्चालन गरिरहेका छन्।

चितवन फिजिकल फिटनेस सेन्टरकाे याे सुविधा सम्पन्न भवनले, चितवन बासिलाइ शारीरिक सुगठन र तन्दुरुस्तीका लागि प्राेत्साहित गर्नेमा बिस्वस्त रहेकाे बताए। नयाँ बन्ने जिमहलले, जिल्लाबासि मात्रै नभइ, देश भरिकै खेलाडिकाे आकर्षणकाे केन्द्र हुँदै अन्तराष्ट्रिय स्तरका खेलाडि उत्पादन गर्ने आफुले आशा लिएकाे शिलान्यास कार्यक्रमका चितवन फिजिकल फिटनेस सेन्टरका सल्लाहकारहरुले बताए। बि.सं. २०७७ को अन्त सम्ममा सम्पूर्ण निर्माणकार्य सम्पन्न भइ नयाँ बर्ष २०७८ संगै सञ्चालनमा आउने लक्ष लिइएको यस नयाँ जिमहलमा अन्तर्राष्ट्रिय स्तरका आधुनिक व्यायामका उपकरण र पुराना पद्धतिका व्यायाम शैलिकाे समायाेजनले फिटनेस सेन्टरका सदस्यहरुलाइ अझ उत्साहित बनाएकाे सेन्टरका मेनेजर नवीन राना बताउछन्।

राष्ट्रिय तथा अन्तर्राष्ट्रिय शारिरिक सुगठनका प्रतियोगिताका पदक जित्न सफल थुप्रै खेलाडीहरु उत्पादन गरिसकेकाे यस चितवन फिजिकल फिटनेस सेन्टरमा हाल कुल १०,००० भन्दा बढि सदस्यहरु रहेका छन्।