सैनामैनामा रहेको श्री पर्रोहा परमेश्वर शिवज्योतिलिङ्र्ग बोेलबम धाममा बृहत संगीतमय सत्संग कार्यक्रम २०७७ हुने भएको छ । पश्चिमको पशुपति नाथ भनेर परिचित श्री पर्रोहा परमेश्वर शिवज्योतिलिङ्र्ग बोेलबम धामको आयोजनामा स्वस्थानि ब्रतकथाको अवसरमा संगीतमय सत्सग कार्यक्रम हुने भएको छ । आयोजकले आज पत्रकार सम्मेलन गरी बुधवार देखि माघ २१ गतेसम्म धाम परिसरमा हुने सत्संग कार्यक्रमको तयारी पुरा भएको जानकारी गराएका छन् ।

कार्यक्रम अवधिभर प्रत्येक दिन दहि, दुध, ध्यु लगायत एघार प्रकारका फरक फरक बस्तुबाट मुल मन्दिर भित्र ज्योतिर्लिङ्गमा रुद्राभिषेक, स्वस्थानि ब्रतकथाको पराम्परागत रुपमा दैनिक कथा, पुजन, बोलवम भगवानको सन्ध्याकालमा विशेष महाआरती, विद्यालय स्तरीय धार्मिक देवलिला परक झाँकी प्रतियोगीता, राष्ट्रिय स्तरका योगगुरुबाट निशुल्क योग प्रशिक्षण, राष्ट्रिय तथा अन्तराष्ट्रिय गुरुहरुबाट धर्म संस्कारका बैज्ञानिक परक विश्लेषण, राष्ट्रिय भजन कलाकार एवं झाँकि कलाकार बाट भजन तथा झाँकिलिला प्रस्तुती, एक लाख एघार हजार बेलपत्र भगवानमा अपर्ण, एक लाख २१ हजार दुवो भगवान गणेशमा अर्पण गरिने कार्यक्रम रहेको धामका सल्लाहकार आचार्य पण्डीत विष्णु ज्ञवालीले बताउनुभयो ।

आचार्य पण्डीत ज्ञवालीले कार्यक्रमको मुख्य विशेषताको रुपमा ११ वटा पदार्थ रुद्राभिषेक, विद्यालयमा धार्मिक शिक्षाको विकास गर्न विद्यालय स्तरीय धार्मिक देवलिला, हिन्दु पराम्परा अनुसार जन्मादिन मनाउने कार्यक्रम रहेको बताउनुभयो । धर्म सँस्कृतिको संरक्षण संबद्र्धन गर्ने हेतुले स्वस्थानि ब्रतकथाको अवसरमा संगीतमय सत्सग कार्यक्रमको आयोजना गरिएको श्री पर्रोहा परमेश्वर शिवज्योतिलिङ्र्ग बोेलबम धामका अध्यक्ष तथा मुल आयोजक समिती संयोजक रामवली चौधरीले जनाकारी गराउनुभएको छ ।

कोरोना भाईरस अन्त्यको र विश्व शान्तिको कामना सहित स्वास्थ्य सुरक्षा अपनाइ संगीतमय सत्संग गर्न लागेको उँहाले बताउँनुभयो । देवघाट महेश सन्यास आश्रमका स्वामी ईश्वरानन्दा सरस्वतीबाट सत्संग कार्यक्रमको उद्घाटन हुने प्रचारप्रसार समितिका संयोजक अर्जुन धिमालले जनाकारी गराउनुभएको छ । श्री पर्रोहा परमेश्वर शिवज्योतिलिङ्र्ग बोेलबम धामका अध्यक्ष रामवली चौधरीको अध्यक्षता तथा सचिब प्रेम भुषालको संचालनमा कार्यक्रम सम्पन्न भएको थियो ।