भरतपुर/नेपाली काँग्रेस केन्द्रको परिपत्र अनुसार ३३० प्रदेश निर्वाचन क्षेत्रमा कम्युनिष्ट सरकारले गरेको असंवैधानिक अलोकतान्त्रिक र वदनियतपूर्ण कदमका विरुद्ध चितवनका विभिन्न स्थानहरुमा नेपाली काँग्रेस चितवनले प्रदर्शन सभा गरेको छ ।
क्षेत्र नं. २(ख) का प्रदेश सभापति डा.गुणराज क्षेत्रीको सभापतित्वमा भरतपुरको हाकिमचोकमा सम्पन्न प्रदर्शन सभामा नेपाली काँग्रेसका नेता एवं पूर्व सांसद जगन्नाथ पौडेल प्रमुख अतिथि रहनुभएको थियो ।
प्रदर्शन सभामा महिला संघ केन्द्रीय अध्यक्ष माननीय उमा रेग्मी, नेपाली काँग्रेसका जिल्ला सचिव उत्तम जोशी, बागमती प्रदेश सभा सदस्य माननीय मिलनबाबु श्रेष्ठ, महासमिति सदस्य प्रकाश अधिकारी लगायत जिल्लामा सक्रिया रुपमा राजनीतिक क्षेत्रमा आफ्नो पहिचान बनाईसक्नु भएका नेताहरु एवं नेपाली काँग्रेसका कार्यकर्ताहरुको उपस्थिति रहेको थियो ।