कविलास, १५ पौष/नेपालकै तेस्रो पर्यटकीय गन्तव्य चितवनको भरतपुर महानगरपालिका वडा नं. २९ मा करिब ४२ विगाहा क्षेत्रफलमा झण्डै ६२ करोड लगानीमा सञ्चालनमा रहेको देशकै ठूलो ‘कविलास रिसोर्ट एण्ड फन पार्क’ मा अँग्रेगी नयाँ वर्षको पूर्वसन्ध्यामा आफ्ना ग्राहकहरुलाई ध्यान राखी वृहत छुटसहितको नयाँ वर्ष उत्सव कार्यक्रम ल्याईएको रिसोर्टका अध्यक्ष इन्जिनियर बाबुराम उपाध्यायले जानकारी दिनुभयो ।

अंग्रेजी समय अनुसार ३१ डिसेम्बर साँझ ६ः३० बजेदेखि जनवरी १ बिहान ११ बजेसम्मको लागि स्न्याक्स, डिनर, ब्रेकफाष्ट, डिलक्स रुम, फनपार्कको रमाइलो सहित एकजना बराबर तीनहजार रुपैयाँको प्याकेज कार्यक्रम ल्याइएको छ । उक्त प्याकेजमा तीनहजार रुपैया बाहेक अन्य ¬कुनैपनि अतिरिक्त शुल्क लाग्नेछैन । नारायणगढ–मुग्लिन सडकखण्डबाट १.५ किलोमिटर माथि रहेको फन पार्क पुग्न नारायणगढ बजारबाट १२ किलोमिटरको दूरी पार गर्नुपर्दछ ।

आन्तरीक एवं बाह्य पर्यटकहरुलाई चितवनमा आकर्षित गर्न थप एउटा गन्तब्यका रूपमा कविलास रिसोर्टलाई लिन सकिन्छ । जहाँ दिनहुँ पिकनिक खाने, फनपार्कको मज्जा लिने, देवघाटधामको मनोरम दृष्य अवलोकन गर्नेहरुको भिड लाग्ने गर्दछ । ‘चितवन राष्ट्रिय निकुञ्जका जंगली जनाबर हेरेर मात्रै नभई नेपालको पहाडी भूभागको बसोबास र अवस्थितिबारे जानकारी लिनसमेत रिसोर्ट महत्वपूर्ण मानिन्छ । रिसोर्टमा आउने चितवन, नवलपरासी, धादिङ, तनहुँ, लमजुङ, गोरखा लगायतका जिल्लाबाट पर्यटक आउने गरेका छन् । ५५० मिटर उचाइमा रहेको रिसोर्टमा नारायणगढभन्दा ५ देखि ७ डिग्रीसम्म तापक्रम फरक पर्ने भएकाले गर्मीको समयमा शितल र जाडोको समयमा विहानै पारिलो घामसँगै पहाडी भूभागमा अनुभूती गर्न पाइन्छ ।

रिसोर्टमा १२ रेष्टुरेन्ट, ४ वटा रेष्टुरेन्टमा १५ देखि २० जना र ८ वटा रेष्टुरेन्टमा ४ देखि ६ जनासम्म मानिस अट्छन् । ८० जना क्षमताको बार छ । ४४ वटा सुविधा सम्पन्न कोठाहरु, ३४ वटा कोठामा ३ जना र १० वटा कोठामा २ जना अटाउँछन् । रिसोर्टमा ७ वटा भिल्ला छन् । तिनमा ६ जना प्रत्येकमा बस्न सकिने व्यवस्था छ । एक रातमा रिसोर्टमा १६० जनासम्म सजिलोसँग बस्न सकिन्छ । तीनवटा सेमिनार हल छन् । एउटामा ३०० र बाँकी दुई वटा सेमिनार हलमा दुई–दुई सय जना अट्छन् । पिकनिक स्पटहरु सेटसहितका २१ वटा छन् ।