चौकीडाँडा/उज्यालो टाइम्स मिडिया एण्ड एडभरटाईजिङ्ग प्रा.लि.को टोलीद्वारा पर्यटकीय स्थल चौकीडाँडा वरपरको क्षेत्रको स्थलगत अवलोकन गरेको छ । प्रा.लि.का अध्यक्ष राजु भट्टको नेतृत्वमा पुगेको टोलीले चौकीडाँडा, कविलासगढी, सोही स्थानमा रहेको ढोडेनी स्कूल, त्यहाँ रहेको सुन्तला बगान लगायतका क्षेत्रको अवलोकन गरेको थियो । अवलोकनको क्रममा उज्यालो टाइम्स डटकमका प्रबन्ध निर्देशक राकेशमान श्रेष्ठ, होडिडे होम रिसोर्टका प्रबन्ध निर्देशक वसन्त राना, उज्यालो टाइम्स मिडिया एण्ड एडभरटाईजिङ्ग प्रा.लि.का सदस्यहरुको समेत सहभागिता रहेको थियो ।
पर्यटकीय गन्तव्यको रुपमा विकासित हुँदै गएको भरतपुर महानगरपालिका–२९ मा रहेको चौकीडाँडा हिजोआज आन्तरिक एवं बाह्य पर्यटकहरुको आकर्षणको रुपमा रहेको छ ।
नारायणगढदेखि १८ किलोमिटर पूर्व भोर्लेबाट ९ किलोमिटर उकालो पार गरेपछि करिब ११०० मिटर उचाइमा अवस्थित चौकीडाँडाबाट मनमोहक पहाडी श्रृङ्खला, नागबेली, नारायणी नदीको चाल, चितवनको समथर भाग अवलोकन गर्न सकिन्छ ।
चौकीडाँडाको नजिकै रहेको समुद्री सतहदेखि १२०० मिटर उचाइमा अवस्थित ऐतिहासिक कविलासगढी पूर्खाहरुको बीरगाथासँग जोडिएको छ । सामरिक दृष्टिले महत्वपूर्ण यस ऐतिहासिक स्थलबाट अन्नपूर्ण हिमश्रृङ्खलादेखि लमजुङ हिमालसम्म अवलोकन गर्न सकिन्छ ।