चितवन उद्योग संघ युवा उद्यमी मञ्चका अध्यक्ष अमर घिमिरेको अध्यक्षतामा सम्पन्न कार्यक्रममा नेपाल उद्योग परिसंघका उपाध्यक्ष एवं चौधरी ग्रुपका प्रवन्ध निर्देशक युवा उद्यमी निर्वाण चौधरी प्रमुख अतिथि रहनुभएको थियो भने, चितवन उद्योग संघका अध्यक्ष एवं बागमती प्रदेश उद्योग परिसंघ औद्योगिक नीति निर्माण समन्वय विभागका संयोजक तथा नेपाल उद्योग परिसंघ राष्ट्रिय परिषद् सदस्य राजु पौडेल र चितवन उद्योग संघका निवर्तमान अध्यक्ष, शक्तिखोर औद्योगिक क्षेत्रका अभियान्ता, चितवन उद्योग संघ औद्योगिक क्षेत्र विशेष विभागका प्रमुख एवं बागमती प्रदेश उद्योग परिसंघ संगठन बिस्तार एवं उद्यमी क्षमता विभागका संयोजक भेषराज दुवाडी विशिष्ट अतिथि रहनुभएको थियो ।

चितवन उद्योग संघ युवा उद्यमी मञ्चका अध्यक्ष अमर घिमिरेले स्वागत मन्तव्य सहित कार्यक्रमको उद्देश्य माथि प्रकाश पार्नुभएको कार्यक्रममा चितवन उद्योग संघका अध्यक्ष एवं बागमती प्रदेश उद्योग परिसंघ औद्योगिक नीति निर्माण समन्वय विभागका संयोजक तथा नेपाल उद्योग परिसंघ राष्ट्रिय परिषद् सदस्य राजु पौडेलले युवा उद्यमी मञ्च गठन गर्नुको उद्देश्यका बारेमा आफ्ना धारणा राख्नुभएको थियो ।

अनुशिक्षण तथा युवा उद्यमी उत्प्रेरणा कार्यक्रमका प्रमुख अतिथि नेपाल उद्योग परिसंघका उपाध्यक्ष एवं चौधरी ग्रुपका प्रवन्ध निर्देशक युवा उद्यमी निर्वाण चौधरीले MAKING IT BIGGER का विषयमा प्रस्तुतिकरण गर्नुभएको थियो । उहाँको प्रस्तुतिकरण माथि उद्योगहरुले प्रश्न गर्नुभएको थियो । उद्योगीहरुबाट आएका जिज्ञासालाई प्रमुख अतिथि चौधरीले प्रष्ट्याउनु भएको थियो ।

कार्यक्रममा नवलपुर उद्योग संघका महासचिव के.वी.राना, चितवन उद्योग संघका बरिष्ठ उपाध्यक्ष एवं नेपाल उद्योग परिसंघ बागमती प्रदेश सदस्य त्रिलोचन कँडेल, चितवन उद्योग संघका उपाध्यक्षहरु, कार्यकारी निर्देशक, इकाई समितिका अध्यक्षहरु, चितवन उद्योग संघका कार्यसमिति सदस्यहरु, महिला उद्यमी मञ्चका सदस्यहरु, युवा उद्यमी मञ्चका सदस्यहरु र मञ्चका नव युवा उद्यमीहरु लगायतको उपस्थिति रहेको थियो ।

कार्यक्रमलाई अध्यक्षको अनुमतिमा कार्यक्रम सञ्चालक चितवन उद्योग संघ युवा उद्यमी मञ्चका उपाध्यक्ष सुरेन्द्र कार्कीले समापन गर्नुभएको थियो ।