भरतपुर, ०७ मंसिर/आन्तरिक राजश्व कार्यालय चितवनका प्रमुख कर अधिकृत र उद्योगीहरुबीच परिचयात्मक एवम् सम्मान कार्यक्रम सम्पन्न भएको छ । चितवन उद्योग संघका अध्यक्ष राजु पौडेलको अध्यक्षतामा सम्पन्न कार्यक्रममा आन्तरिक राजश्व कार्यालय चितवनका प्रमुख कर अधिकृत घनश्याम पन्थी प्रमुख अतिथि र आन्तरिक राजश्व कार्यालय चितवनका प्रमुख कर अधिकृत सुव प्रसाद रिजाल विशेष अतिथि रहनुभएको थियो ।
चितवन उद्योग संघका अध्यक्ष राजु पौडेलले स्वागत मन्तव्य सहित संघको गतिविधि बारे जानकारी गराउनु भएको कार्यक्रममा आन्तरिक राजश्व कार्यालय चितवनका प्रमुख कर अधिकृत घनश्याम पन्थी, प्रमुख कर अधिकृत सुव प्रसाद रिजाल र चितवन उद्योग संघ गभर्निङ काउन्सिलका अध्यक्ष सोमराज महरट्टालगायतले शुभकामना मन्तव्य राख्नुभएको थियो ।
कार्यक्रममा वि.सं. २०७५ कार्तिक १४ गतेदेखि २०७७ मंसिर ०४ गतेसम्म आन्तरिक राजश्व कार्यालय, चितवनको प्रमुख कर अधिकृतको महत्वपूर्ण भूमिकामा रही उद्योगमैत्री कर प्रशासन मार्फत उद्योगहरुको प्रवर्धनमा पु¥याउनु भएको अतुलनिय योगदानको उच्च कदर गर्दै सुव प्रसाद रिजाललाई स–सम्मानको साथ प्रशंसा पत्र प्रदान गरिएको थियो भने भर्खरै मात्र आन्तरिक राजश्व कार्यालय चितवनको प्रमुख कर अधिकृतको रुपमा आफ्नो सेवा शुभारम्भ गर्नुभएकोमा उहाँलाई उद्योग संघको तर्फबाट स्वागत गरिएको थियो ।
परिचयात्मक एवम् सम्मान कार्यक्रममा चितवन उद्योग संघ पूर्व अध्यक्ष हरिप्रसाद सुवेदी, चितवन उद्योग संघका उपाध्यक्षहरु मदन घिमिरे, दुर्गाप्रसाद भण्डारी, गजेन्द्र अधिकारी, संघका कार्यसमिति सदस्यहरु मदन चिरञ्जीवी पोखरेल, ताराबहादुर कार्की, जितबहादुर हमाल, गोपाल प्रसाद गैरे, पुरुषोत्तम रिजाल, चितवन उद्योग संघ महिला उद्यमी मञ्चका अध्यक्ष एवं कार्यसमिति सदस्य सुधा सुवेदी पौडेल, वस्तुगत सदस्य चितवन–नवलपुर सिमेन्ट सामाग्री उद्योग समितिका अध्यक्ष बद्रीप्रसाद चापागाई लगायतको उपस्थिति रहेको थियो ।
चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई चितवन उद्योग संघका बरिष्ठ उपाध्यक्ष त्रिलोचन कँडेलले धन्यवाद मन्तव्य सहित कार्यक्रम समापन गर्नुभएको थियो ।
Advertisement
