चितवन/उज्यालो टाईम्स मिडिया एण्ड एड्भरटाइजिङ्ग प्रा.लि.को आयोजनामा नेपालीहरूको महान चाड विजया दशमी २०८३ को पावन अवसरमा शुभकामना आदान–प्रदान कार्यक्रम सम्पन्न भएको छ।
कार्यक्रमका प्रमुख अतिथि नेपाल पत्रकार महासंघ चितवन शाखाका अध्यक्ष बसन्त पराजुलीले चाडपर्वहरूले समाजमा आपसी भाइचारा, सद्भाव र एकता कायम राख्न महत्वपूर्ण भूमिका खेल्ने बताउनुभयो। उहाँले पत्रकारिता क्षेत्र समाजको ऐना भएकाले व्यावसायिक मर्यादा र उत्तरदायित्वलाई आत्मसाथ गर्दै अघि बढ्नुपर्नेमा जोड दिनुभयो।
त्यसैगरी विशिष्ट अतिथिको रूपमा मन्तव्य राख्दै युरो मोटर्स प्रा.लि.का अध्यक्ष रुबिन रामुदामुले चाडपर्वले सकारात्मक ऊर्जा प्रवाह गर्ने उल्लेख गर्दै मिडिया र व्यावसायिक क्षेत्रबीचको सहकार्य आवश्यक रहेको बताउनुभयो।
कार्यक्रममा आफ्ना शुभकामना मन्तव्य राख्दै सफल मोटर प्रा.लि.का प्रबन्ध निर्देशक सन्तोष भट्टराई, नेपाल पत्रकार महासंघ चितवन शाखाका उपाध्यक्ष दिपेन्द्र अधिकारी तथा पुष्पाञ्जली हस्पिटलका प्रबन्ध निर्देशक सुजन अधिकारीले चाडपर्वको शुभकामना व्यक्त गर्दै सञ्चार माध्यमले व्यावसायिक तथा सामाजिक उत्तरदायित्व वहन गर्दै निष्पक्ष सूचना प्रवाह गर्नुपर्ने धारणा व्यक्त गर्नुभयो।
यसअघि कार्यक्रममा उपस्थित सम्पूर्ण अतिथि तथा सहभागीहरूलाई स्वागत गर्दै उज्यालो टाईम्स मिडिया एण्ड एड्भरटाइजिङ्ग प्रा.लि.का प्रबन्ध निर्देशक राकेशमान श्रेष्ठले कार्यक्रमको उद्देश्यमाथि प्रकाश पार्नुभएको थियो।
कार्यक्रमको सभापतित्व गर्दै उज्यालो टाईम्स मिडिया एण्ड एड्भरटाइजिङ्ग प्रा.लि.का अध्यक्ष एवम् प्रधान सम्पादक राजु भट्टले उपस्थित सबैलाई धन्यवाद ज्ञापन गर्दै संस्था सदैव सत्य, तथ्य र निष्पक्ष समाचार सम्प्रेषणमा कटिबद्ध रहने प्रतिबद्धतासहित कार्यक्रम समापन गर्नुभयो।
कार्यक्रममा विभिन्न क्षेत्रका व्यवसायी, सञ्चारकर्मी तथा विशिष्ट व्यक्तित्वहरूको बाक्लो उपस्थिति रहेको थियो।
कार्यक्रमलाई उज्यालो टाईम्स मिडिया एण्ड एड्भरटाइजिङ्ग प्रा.लि.का निर्देशक राजकुमार श्रेष्ठले सञ्चालन गर्नुभएको थियो ।